CCCCLXXXIV

Karolus, etc. Illis precipue qui cordi sincero zeloque pulsati propter vetera subjectionem et servicium directo domino suo facienda, terras, possessiones et hereditagia. seu feoda propria, que possident, sub alienis dominiis existencia, derelinqunt, condigna sive major recognicio meritique retribucio existit debito facienda. Sane dilectus noster [p. 26] Petrus Bruneteau, karissimi germani et locumtenentis nostri, ducis Andegavensis, marescallus, certos redditus seu bona, quos seu que usque ad summam sexaginta librarum Parisiensium nuper in partibus Pictavie habuit et habebat, una cum omnibus amicis suis carnalibus, pro veris subjectione et servicio nobis fideliter impendendis, se asserit dimisisse ; nos enim hujusmodi fidelis obsequii merita memorie merito commendantes, notum facimus universis, presentibus pariter et futuris, quod nos eidem Petro recompensacionem congruam et debitam facere cupientes, lx^ta libras Parisiensium terre seu annui et perpetui redditus in et super terris, redditibus et possessionibus quibuscunque nobis confiscatis et adventis, in patriis Andegavensi et Turonensi, per forefacturam abbatis de Ferreriis1, ex suo hereditagio, canonici de Rilloy, Gacheri de Gachera, Johannis de Alamannia2, Ade de Poiz3, Anthonii de Vernonno, Petri de Frontebovis4 et ejus uxoris, Perroti de Capellania [p. 27] et ejus uxoris, Guidonis Quintini5 et ejus uxoris, Guilloti Eusebi et ejus uxoris, necnon et defunctorum Perroti de Castro Ayraut et Gaufridi de Puitaillé, qui se nostros reddiderunt rebelles et inimicos, prefato Petro, in dictorum dampnorum suorum necnon serviciorum, per spacium decem annorum et amplius fideliter impensorum, recompensacionem, dedimus et concessimus, ac eciam, de nostra speciali gratia certaque scientia, damus et concedimus per presentes, tenendas annisque singulis levandas et imperpetuum possidendas per eumdem Petrum ejusque heredes, et ab eo causam habituros, ita videlicet quod, si prenominati rebelles ad nostram reverterentur obedienciam et ad hoc admitteremus eosdem, prefatus Petrus dictas terras, redditus et possessiones eorum, absque tamen jam perceptis et levatis per eumdem Petrum, prefatis rebellibus restituet et admittet. Quocirca senescallis Turonensi et Andegavensi, ceterisque justiciariis et officiariis nostris, presentibus et futuris, aut eorum locatenentibus, et eorum cuilibet, prout ad eum pertinuerit, earumdem serie litterarum, mandamus, cuilibet dictorum senescallorum in sua senescallia dumtaxat committendo, quatinus eidem Petro eo casu dictas lx^ta libras terre seu annui et perpetui redditus in et super dictis terris, redditibus et possessionibus prenominatorum rebellium, aut alterius eorumdem, ad nos, ut dictum est, pertinentibus, in loco pro nobis minus dampnoso et utiliori pro dicto Petro, tradant, deliberent et assignent, eumdemque Petrum in possessione et saisina hujusmodi terrarum, reddituum et possessionum sibi sic assignatorum et deliberatorum, ex parte et auctoritate nostra, ponant et instituant aut poni et [p. 28] institui realiter et de facto, ipsumque Petrum ejusque heredes, seu causam habentes, prefatis terris, redditibus et possessionibus, usque ad dictam summam lx^ta librarum terre, uti et gaudere publice faciant et permittant, omni impedimento, si quid forsitan contra presentem gratiam, donum seu recompensacionem nostram, appositum extiterit in eisdem, penitus amovendo. Quod ut firmum, etc. Salvo in omnibus jure nostro et quolibet alieno. Datum in hospicio nostro Sancti Pauli juxta Parisius, anno Domini m° ccc° lxix° regnique nostri sexto, mense decembris.

Sic signata. Per regem in Requestis suis. J.. de Remis. L. de Faya. Visa.