CCCCXCV

Charles, etc. Savoir faisons à tous, presens et avenir, que comme Edouart d'Angleterre et Edouart de Galez, son [p. 58] ainsnez filz, nous aient commencié et fait guerre ouverte et à nos subgés, et facent encores chascun jour, et Adegorissoir, autrement apellé Adan Cheel, et la dame de Mortemer1, à présent sa femme, et Gautier Spelliton, angloys d'Angleterre, pour eulz, en tenant, raençonnant, pillant et robant noz subgés, boutant feulx et faisant tous autres maulz que l'en puet faire pour guerre, et se soyent renduz noz rebellez et ennemis, par quoy tous [leurs] biens meublez [p. 59] et non meublez, en quelconques lieux que soyent assiz en nostre royaume, nous sont confisqués et venuz en commis ; les quelz Adan Cheel et sa femme eussent et tenissent ou temps de la dicte guerre commenciée, ou païs de Poitou et de Xantonge certaines forteresses, maisons, terres et revenuez ; item la chatellenie de Montmorillon avecques ses appartenances, que souloit tenir nostre très chier et amé oncle le duc dOrliens2, la quelle chastellenie a donnée le dit Edouard de Galez au dit Adan Cheel ; item la chastelenie de Jassail le Cotal avec ses appartenances, la quelle fu au seigneur de l'Ille-Bouchard3 ; les quellez choses dessus dictes puent bien valoir par an mil livres tornois de terre ou rente, ou environ ; et le dit Gautier Spelliton et sa femme eussent et tenissent ou dit païs de Poytou et de Xanctonge certeins hostelz ou maisons, assiz en la ville de Poitiers et illuecques environ, avecques leurs appendances ; item la terre de Latillé, seant en la chastellenie de Monsterueil Bonin, la quelle fu jadis de Philippe de Paille4, chevalier, avec ses appartenances ; item un hostel apellé la Courgée avec ses appartenances, assis en la chastellenie de Mirebeau, qui fu jadis à Adam de la Courgée5 ; [p. 60] item la terre de Bellefoye6, avec ses appartenances, qui fu jadis à Thiebaut de Mabau7, et toutes les autres choses que yceulz Gautier et sa femme ont et puent avoir ou dit pays de Poitou et de Xantonge, jusques à la valeur de mil livres tournois de terre ou rente par an, qui sont en somme toutez les choses dessus dictes iii. mille livres de terre ou rente par an, ou environ, si comme l'en dist, annuelle et perpetuelle, qui nous sont acquises et confisquées, comme dit est. Nous, pour consideracion des bons, loyaulz et agreablez services que nostre amé et feal chevalier nous a faiz ou temps passé, fait de jour en jour en nos presentes guerrez et esperons que encores nous doye mielx faire ou temps avenir, à ycelui nostre chevalier avons donné et octroyé, donnons et octroyons par ces presentes.....8.