CCCCXC

Charles, etc. Savoir faisons à tous, presens et avenir, que, pour consideracion des bons et agreablez servicez que nostre amé et feal chevalier, Jehan de Villemur1, nous a fais le temps passé, fait encores chascun jour et esperons qu'il nous face ou temps avenir, à ycellui [p. 42] chevalier pour lui, pour ses hoirs et pour ceulz qui de li ont ou auront cause, avons donné et octroyé et par ces presentes donnons et octroions de grace especial, certeinne science et de nostre auctorité royal, li chastiaulz de Gensay et de Plasac avecques les appartenances et appandences de yceulz chastiaulz, jusques à la somme de m. livrées de terre à parisis, qui furent, c'est asavoir le dit chastel de Gensay de Adam Chel, dit d'Agorisses2, chevalier anglois, nostre anemi et rebelle, et le dit chastel de Plasac de feu Jehan de Chandos, [p. 43] chevalier anglois, qui nagaires est mors nostre anemi et rebelle3, à tenir, avoir et posseder les dis chastiaulz avec leurs appartenances et appandances, jusques aux dictes mil livrées de terre par le dit Jehan de Villemur, ses hoirs et successeurs et aianz cause, à tous jours perpetuelment. Si donnons en mandement aus senescalx de Poitou et de [p. 44] Xantonge, et à tous nos autres justiciers et officiers subgiez, presens et avenir, et à chascun d'eulx, si comme à li appartendra, que le dit Jehan de Villemur mettent ou facent mettre realment et de fait en possession et saisine des diz chastiaulx et des appartenances et appandances d'iceulz, jusques à la dite somme, et d'iceulz facent, sueffrent et laissent joir et user paisiblement le dit Jehan de Villemur, ses hoirs et successeurs à tous jours perpetuelment, sens leur mettre ou souffrir estre mis aucun empeschement. Pourveu toutevoie que, se par traictié ou autrement les diz chastiaulz et appartenances estoyent rendus ou temps avenir, nous ne nos successeurs ne serions tenus d'en faire aucune recompensacion. Et pour ce que ce soit ferme, etc. Sauf, etc. Donné à Paris, le second jour de mars mil ccc. lxix, et de nostre regne le vi^e.

Par le roy. P. Michiel. — Visa.