DXVIII
Amortissement d’une rente annuelle de quarante livrées de terre destinée à la dotation d’une chapelle que Marguerite de Flandres, vicomtesse de Châteaudun, projetait de fonder dans l’église Notre-Dame de Moncontour.
- B AN JJ. 110, n° 89, fol. 52
- a P. Guérin, Archives historiques du Poitou, 19, p. 132-134
Karolus, Dei gracia Francorum rex. Deo et ecclesie devotorum nostrorum fidelium proposita, presertim que divini cultus nominis concernunt augmentum, prosequi laudabile reputantes, eis libenter annuimus ut per hoc optato potiantur affectu. Notum itaque facimus universis, presentibus et futuris, quod, ad supplicacionem dilecte et fidelis nostre Margarite de Flandria1, vicecomitisse Castriduni, [p. 133] desiderantis unam capellam seu capellaniam fundare in ecclesia Beate Marie de Moncontour2 vel alibi, ad sue et suorum predecessorum et successorum animarum remedium et salutem, et ad ipsius dotacionem et fundacionem, vel ad alios pios usus, quadraginta libratas terre [p. 134] seu annui et perpetui redditus ad turonenses donare et assignare, per capellanum instituendum ibidem, vel alios quibus assignate fuerint, perpetuo possidendas ; nos volumus et dicte Margarite concessimus de nostris speciali gracia, auctoritate regia et certa sciencia, et concedimus per presentes ut dictas quadraginta libratas terre seu annui et perpetui redditus ad turonenses acquisitas, vel acquirendas per ipsam Margaritam, eciam in feudo et justicia, quas pro fundacione et dotacione dicte capelle seu capellanie, vel aliàs, ad augmentum laudis divini nominis, duxerit assignandas, capellani ibi instituendi vel alii quibus ad opus hujusmodi assignate fuerint, ad nutum dicte Margarite et eorum successorum, tenere et possidere possint et valeant pacifice, perpetuo et quiete, absque eo quod ipsas vel partem quamlibet earumdem vendere seu alienare, vel aliàs extra manus suas ponere, vel nobis aut successoribus nostris financiam propter hoc solvere quomodolibet cogi possint ; nos etenim financiam nobis indè debitam, cujuscunque summe vel valoris, eidem Margarite donavimus et remisimus, de nostris gracia et sciencia supradictis. Quod ut firmum et stabile perpetuo perseveret, sigillum nostrum presentibus litteris duximus apponendum. Salvo in aliis jure nostro et in omnibus quolibet alieno. Datum Parisius, mense augusti anno Domini m. ccc. lxxii. et regni nostri nono.
Per regem. Yvo.