DIV

Charles, etc. Savoir faisons à tous, presens et avenir, que, [p. 84] comme par nos autres lettres et pour certaines causes en icelles contenues nous aions donné à heritage le chastel, ville et chastellenie du Blanc en Guienne à nostre amé et feal chevalier, Jehan de Villemur1, lequel le dit chastel et ville, avecques autres nos gens, avoit gaignié sur Gautier Spiriliton2, anglois, et tenus en nostre obeissance, en laquelle il est encores ; nous, considerans que le dit chastel, ville et chastelleniez enciennement ès ancestres et dulinage de noz amez et feaux Guy de La Tremoïlle, chevalier, et Guillaume3, son frere, escuier, li quel nous ont servi et servent chascun jour moult loyalment ou fait de nos guerres, sans espargnier leurs corps ne leurs chevances, et aussi pour autres certaines et justez causez et consideracions à ce nous movens, le dit chastel, ville et chastelleniez du Blanc, avecques toutes les terres, censives, rentes et revenues, eaues, bois, prés, fours, molins, fiez, arrere fiez, hommages, vasselages, appartenances et dependences quelconques des chastel, ville et chastellenies du [p. 85] Blanc dessus dictes, avons donné et donnons, de nostre certaine science et grace especial, par ces presentes, aus dessus diz freres et chascun d'eulx, à tenir, avoir et possider par eulx, leurs hoirs et successeurs et qui d'eulx auront cause perpetuelment, les dis chastel, ville et chastelleniez avecques leurs appartenences dessus dictes, comme leur propre chose et en la forme et maniere que Guillaume Guenant, chevalier, seigneur des Bordes Guenant4, les dis chastel, ville et chastelleniez souloit avoir [p. 86] tenir et possider, sauf et reservé à nous et à noz successeurs, roys de France, la souveraineté et ressort èschastel, ville et chastelleniez et appartenances dessus dictes, non obstant quelconquez don par nous fait par nos autres lettres, comme dit est, au dit Jehan de Villemur, et souz quelconquez forme de paroles qu'elles soient faites et formées. Lequel don, parce que nous serons tenuz et promettons, par ces presentes, de faire audit Jehan et à [p. 87] ses hoirs et successeurs, pour le dit chastel, ville et chastellenies dessus dictes, restitucion et recompensacion aillieurs souffisent et convenable, nous rappellons et revocons du tout par ces presentes. Si donnons en mandement à nos amez et feaulx gens de nostre chambre des comptes à Paris, au seneschal de Berry et à tous les autres justiciers et officiers de nostre dit royaume, presens et avenir, si comme à eulx et chascun d'eulx appartendra et pourra appartenir, en commettant, se mestier est, que les dessus dis freres mettent et facent mettre en possession des dis chastel, ville et chastellenies dessus dictes, et d'icelles choses avecques leurs appartenances et dependences quelconques dessus dictes facent et sueffrent joir et user paisiblement les dis freres et chascun d'eulx, leurs hoirs et successeurs et qui d'eulx auront cause perpetuelment, en la forme et maniere dessus dicte, sanz leur faire ne souffrir estre fait sur ce aucun empeschement ou destourbier en quelconque maniere, non obstant le don des dis chastel, ville et chastellenies avecques leurs appartenences, par nous fait au dit Jehan de Villemur, comme dessuz. Le quel don et lettres sur ce faites nous revocons et anullons par ces presentes, comme dit est, parmi la recompensacion que nous en serons tenus de faire dessus dicte. Et afin que ce soit ferme chose et estable à tousjours, nous avons fait mettre nostre grant seel à ces presentes. Sauf en [p. 88] autres choses nostre droit et en toutes l'autruy. Donné en nostre ostel de Saint Pollez Paris, ou mois de decembre l'an de grace mil ccc. lx. et dix, et de nostre regne le septieme.5.

Par le roy. T. Hocie.