Testaments enregistrés au Parlement de Paris sous le règne de Charles VI » Denise la Jourdine.

Denise la Jourdine.

  • R, Archives nationales, X1A 9807, fol. 197v-198v. (Mention de collation, fol. 198v).
  • Alexandre Tuetey, Testaments enregistrés au Parlement de Paris sous le règne de Charles VI, Paris, 1880, p. 222-225.

[1] In nomine sancte et individue Trinitatis, Patris et Filii et Spiritus Santi, amen.

[2] Universis presens publicum intrumentum inspecturis pateat evidenter et sit notum quod, anno ejusdem Domini millesimo quadringentesimo septimo, indicione prima, die decima quinta mensis novembris, pontificatus sanctissimi in Christo patris ac domini nostri domini Benedicti, divina providencia pape XIIImi, anno decimo quarto, in mei notarii publici ac testium infrascriptorum ad hoc vocatorum specialiter et rogatorum presencia, propter hoc personaliter constituta honorabilis mulier Dionisiaa En interligne et mulier suivi d’une rature. la Jourdine, a suo marito, ut dicebat, separata, sana mente per Dei graciam et discreti intellectus, licet corpore pateretur, attendens quod humana creatura, brevi vivens tempore, periculis subjacet infinitis et plerumque accidit quod inhercia nimia vel superveniens corporalis infirmitas animum impediens racionis mentem per diversa distrahit et testandi prorsus adimit facultatem, rursus in mente revolvens quod nichil prodest homini si universum mundum lucretur, anime vero sue detrimentum paciatur, vel vivens talibus non insistat actibus quibus post presentis vite exitum anime sue provideatur saluti, et sarcina peccatorum qua premittitur pii Conditoris omnium clemencia relevetur, de universo namque labore quo persona quelibet sub sole cothidie cruciatur, ad consequendum vite perhennis gloriam, id solum proderit in futuro quod ex corde puro et caritate non ficta boni gesserit in presenti, ne igitur ipsam dies illa de qua nemo certus existit, imo verius hora mortis accipiet, vel, quod absit, preveniat intestatam, de rebus et bonis a Deo collatis testamentum suum seu ultimam voluntatem fecit, ordinavit et disposuit in hunc modum.

[3] In primis, animam suam nunc, semper et potissime pro illa hora que egredietur de suo corpore, in manu omnipotentis Dei, beatissime virginis Marie, matris ejus, tociusque curie celestis humiliter commendavit cum anxia cordis amaritudine supplicans et exorans ut non secundum ejus demerita deputet ei eternis suppliciis, sed secundum sue misericordie ineffabilem exuberanciam secum agens faciat eandem participem regni sui.

[4] Corpus vero suum premunitum ecclesiasticis sacramentis que omnia et singula sibi exhiberi exnunc devote postulavit, scilicet loco suo et tempore oportunis juxta ritus et mores Sancte Matris Ecclesie, commendavit ecclesiastice sepulture, quam si decedat Parisius, in ecclesia seu cimiterio Sancti Benedicti Beneversi Parisius suam sepulturam elegit.

[5] Voluit autem debita sua persolvi et forefacta emendari.

[6] Deinde, legavit curato prefate ecclesie parrochialis Sancti Benedicti Beneversi, pro dicendo vigilias mortuorum, et eundo quesitum eandem ad domum in qua contigerit mori octo s. p. ; item, clerico ejusdem ecclesie duodecim d. p.

[7] Item, legavit Petro Maltin, clerico venerabilis viri magistri Petri le Jay, ejusdem testatricis magistri, duos discos de stanno, unam pintam, unam copinam de stanno, unam patellam eris, unum lectum in quo dictus Petrus de presenti jacet. Item, legavit Sardine, ad presens uxori Mahieti le Chien, unam patellam eris, unum lectum in quob Suivi de dictus Petrus ad presens rayé. jacet ad presens dicta testatrix. Item, legavit Marione, filie dicti Mahieti le Chien, in augmentacione sui matrimonii, suas duas meliores tunicas, quas ipsa testatrix habebat. Item, legavit Magine la Ponsardine unam aquariam de stanno.

[8] Item, voluit et ordinavit quod fieret brevius quam fieri posset, sumptibus tamen et expensis sue execucionis et bonorum suorum quoruncunque, secundum ordinationem suorum executorum inferius nominatorum quoddam viagium apud Nostram Dominam Montis Fortis, more consueto, pro sue anime salute.

[9] Distribucionem vero aliorum bonorum suorum mobilium et immobilium quoruncunque relinquit conscienciec Suivi d’une rature. ac discrecioni et omnimode disposicioni dictorum suorum executorum et eorum cujuslibet, prout placuerit ipsorum voluntati.

[10] Pro quibus omnibus et singulis qui in hoc testamento seu ultima voluntate continentur exequendis et execucioni debite demandandis et ad omnia et singula peragenda in premissis necessaria et oportuna, executores suos sibi elegit, deputavit, constituit, fecit, nominavit et ordinavit venerabiles et discretos viros, videlicet magistrum Petrum le Jay, in venerabili curia parlamenti advocatum, ac in legibus licenciatum, et dominum Petrum Ancelini, presbyterum, et eorum quemlibet insolidum pro tunc presentes. Quibus dedit et concessit plenam et liberam potestatem et expressum mandatum agendi et defendendi pro execucione predicta petendique, recipiendi, levandi, exigendi et recuperandi omnia et singula bona sue sibi debita a quibuscunque debitoribus seu detentoribus eorundem, et etiam recipiendi omnium bonorum suorum possessionem et saisinam auctoritate propria ; de quorum bonorum omnium et singulorum possessione et saisina exnunc pro hora mortis se dessaisivit et devestivit antedicta constituens, dictos suos executores extunc prout exnunc de ipsis bonis omnibus et singulis investiens et in possessionem inducens per notam presentis publici instrumenti, volens dictos executores predictorum bonorum suorum mobilium et immobilium possessionem et saisinam pro dicta execucione complenda habere et etiam penes eos retinere et remanere, donec executio predicta fuerit integre completa et ad effectum producta. Dedit etiam executoribus predictis et cuilibet eorundem potestatem et licentiam interpretandi et declarandi dubia, ambigua et obscura, si que super contentis in hoc presenti testamento seu sua ultima voluntate fuerint vel emergerint ex ipsis vel deppendenciis ex eisdem, prout eis melius videbitur faciendum. Et revocavit, cassavit et adnullavit omnes alias ultimas voluntates, si quam se quas alias fecit, et hanc presentem ordinationem voluit et precepit esse suum unicum et solenne ac ultimum testamentum quod valere precepit jure testamenti seu jure codicillorum vel eo omni jure quo quelibet ultima voluntas valere potest et debet, summitens presens testamentum venerabili curie parlamenti aut cujuscunque alterius prout eisdem executoribus melius videbitur faciendum. De et super quibus omnibus et singulis premissis, prefata testatrix voluit, precepit atque peciit sibi fieri et confici suis tamen sumptibus et expensis publicum intrumentum seu publica intrumenta unum vel plura.

[11] Acta fuerunt hec in platea Mauberti in domo Mahieti le Chien sub anno, indicione, mense, die et pontificatu predictis, presentibus ad hoc honorabilibus personis, Oudino Pardiot, diocesis Eduensis, Mariona, uxore Auberici Chuchepin, et Coleta, uxore Hannequini Regamac, Parisius commorantibus una cum pluribus aliis testibus ad premissa vocatis specialiter et rogatis.

[12] Et ego Henricus Mercatoris, presbyter Meldensis diocesis, publicus apostolica et imperiali auctoritate notarius, curieque conservationis privilegiorum universitatis studii Parisiensis juratus, quia premissis omnibus et singulis dum sic, ut premissum est, agerentur et fierent, unacum prenominatis testibus presens fui, ideo huic presenti publico instrumento, manu aliena fideliter scripto, signum meum solitum apposui, requisisitus in testimonium veritatis omnium et singulorum, rasuram factam in hoc vocabulo « Dyonisia » per inadvertentiam sub eodem signo fideliter approbando.

H. Mercatoris.


a En interligne et mulier suivi d’une rature. b Suivi de dictus Petrus ad presens rayé. c Suivi d’une rature.