Testaments enregistrés au Parlement de Paris sous le règne de Charles VI » Catherine de Clamecy.

Catherine de Clamecy.

  • [R, Archives nationales, X1A 9807, fol. 387v-388, aujourd’hui manquants.].
  • S, Bibliothèque nationale de France, Moreau 1161, fol. 786-787v. (Mention de collation, fol. 787v).

[1] In nomine Domini, amen. Universis presentes litteras inspecturis, curatus parrochialis ecclesie Sancti Germani Autissiodorensisa Correction pour Autisiodorensis. Parisius, salutem in Domino.

[2] Notum facimus quod anno ejusdem Domini millesimo CCCCo decimo tercio, die septima mensis octobris, in nostra presencia personaliter constituta domicella Katherina, uxor Francini de Brandeele, parrochiana nostra, sana sensu et mente, egra tamen corpore, prout dicebat ac etiam prima facie apparebat, considerans et attendens quod nichil est certius morte, nilque incertius ipsius hora, nolens et dicebat intestata decedere, ymmo cupiens et volens anime sue providere saluti, de bonis a Deo sibi collatis suum fecit et condidit testamentum seu declaravit et ordinavit suam ultimam voluntatem et ordinacionem in modum qui sequitur.

[3] In primis, altissimo Creatori suo, domino nostro Jhesu Chripsto, beate Marie, virgini ejus genetrici, beato Michaeli archangelo, beatis Petro et Paulo, apostolis, totique curie celesti animam suam humiliter et devote commendavit.

[4] Deinde voluit et ordinavit sepulturam suam in dicta Sancti Germani ecclesia cum patre suo.

[5] Postea voluit et precepit omnia et singula ejus debita persolvi et forefacta sua de quibus constare poterit emendari.

[6] Legata vero fabrice nobis, curato, capellanis nostris et clericis nostris, hospitalibus et aliis locis piis, remisit voluntati et ordinacioni executorum suorum ; cum hoc exequias et omnia alia suum testamentum concernencia remisit voluntati executorum suorum.

[7] Et ad premissa omnia et singula facienda ac execucioni debite demandanda, prefata testatrix obligavit omnia bona sua mobilia et immobilia quecumque et ubique existencia, desaisiens se ab omnibus dictis bonis, et eadem ex nunc prout ex tunc transferens in manus et potestatem executorum suorum infranominandorum.

[8] Et pro premissis omnibus et singulis faciendis et exequendis suos, elegit, fecit et constituit executores, videlicet Katherinam, matrem suam et Franciscum, maritum suum, et eorum quemlibet insolidum ; ita tamen quod, si simul nequiverint aut noluerint interesse, unus eorum premissa exequatur voluit.

[9] Voluit etiam ipsa testatrix quod presens suum testamentum seu declaracio sue ultime voluntatis sic factum seu factam jure testamenti valeat vel saltem jure codicillorum aut alio jure, quo melius et efficacius valere poterit et debebit, ultimas voluntates per eam hactenus factus adnullans penitus et irritans, et huic presenti testamento stare voluit credi et fidem adhiberi pleniorem.

[10] In quorum omnium et singulorum testimonium sigillum ecclesie nostre predicte presentibus litteris duximus apponendum.

[11] Acta fuerunt hec Parisius coram nobis, curato predicto, anno, mense et die quibus supra, presentibus domino Petro Valet, Johanne de Clamecy et Reginaldo Doriat, cum pluribus aliis testibus ad premissa vocatis specialiter et rogatis.


a Correction pour Autisiodorensis.