Testaments enregistrés au Parlement de Paris sous le règne de Charles VI » Guillaume de Vaux, ancien procureur au Parlement de Paris, clerc des requêtes du Palais
[fol. 337]
[fol. 346]

Guillaume de Vaux, ancien procureur au Parlement de Paris, clerc des requêtes du Palais

Guillaume de Vaux, procureur au Parlement de Paris, fut appelé le 8 décembre 1413 aux fonctions de procureur du roi en la Chambre du Trésor; il fit enregistrer le 12 décembre ses lettres de nomination délivrées par le procureur général Jean Haguenin, et prêta serment le lendemain devant la Chambre des [fol. 347] comptes. Guillaume de Vaux occupa ce poste quatre années; le 13 février 1417 il se plaignit de paroles outrageantes qui lui avaient été adressées au Châtelet par la veuve de Vincent Chaon et ses amis; pour empêcher le retour de semblables scandales, les trésoriers de France défendirent, sous peine de 100 marcs d'argent, d'injurier aucun des membres de leur tribunal. Guillaume de Vaux fut remplacé le 8 novembre 1417 par Pierre Cousinot (Arch. nat., Z 5190, fol. 127 r°, 355 r°). Lors de la réorganisation du Parlement qui fut la conséquence de l'entrée des Bourguignons à Paris, il devint clerc des Requêtes du Palais au lieu et place de Jean Marescot, et assista à la séance de réouverture de la Cour tenue le 25 juillet 1418 (Arch. nat., X1A 1480, fol. 100 v°, 140 r°; X1A 8603, fol. 31 r°).

  • S, Bibliothèque nationale de France, Moreau 1161, fol. 317 r°.

Je, Guillaume de Vaulx, considerant qu'il n'est chose plus certaine que de la mort ne moins certaine de l'eure d'icelle, voulant aussi disposer des biens que Dieu m'a prestez, ay fait et ordonné mon testament ou ordonnance de derreniere voulenté en la maniere qui s'ensuit :

  • C'est assavoir, que je ordonne mes debtes estre paiees et mes torsfaiz estre amendez.
  • Item, je ordonne mon corps estre mis en sepulture a Saint Innocent pres de feu maistre Symon Beson, se je vois de vie a trespassement a Paris, et se je aloye ailleurs de vie a trespassement, je ordonne estre enterré en la parroisse ou je seray.
  • Item, je ordonne que le jour de mon obseque soient chantees xiii messes, ou second jour ensuivant autres xiii messes, et ainsi en continuant jusques a cent et quatre messes.
  • Item, quant, est de l'obseque et funerailles, je m'en rapporte a la discrecion de mes executeurs.
  • Item, je laisse a la fabrique de Nostre Dame de Paris xxxii solz Parisis.
  • Item, a Saint Jaques du Hault Pas xxxiiii solz Parisis.
  • Item, a la fabrique de Saint Germain l'Aucerrois viii solz Parisis.
  • Item, a Saint Jehan en Greve xvi solz Parisis.
  • Item, au curé xii solz, aux chapellains viii solz et aux clers iiii solz, se je aloye de vie a trespassement en la dicte parroisse.
  • Item, a Saint Cosme et Saint Damien a Lusarches viii solz Parisis.
  • Item, au curé de Saint Firmin a la porte d'Amiens viii solz Parisis.
  • [fol. 348]
  • Item, a l'Ostel Dieu de Paris, pour la pitance des povres, viii solz Parisis.
  • Item, a l'eglise Nostre Dame d'Amiens viii solz Parisis.
  • Item, je ordonne faire ung pelerinage a Nostre Dame de Lyance.
  • Item, d'Amiens un pelerinage a pié a Nostre Dame de Boulongne.
  • Item de Paris au dit lieu de Lusarches a Saint Cosme un voyage piez nus.
  • Item, je quicte a Pasquier, mon frere, ce qu'il me doit, et si vueil qu'il ait jusques a xx frans de mes livres, selon ce qu'ilz seront prisiez, desquelx qu'il vouldra choisir, afin qu'il soit tenu de prier Dieu pour moy.
  • Item, je laisse a mon pere mes Heures, et mon petit Psaultier et le livre appelle le Pelerinage de l'ame.
  • Item, a chascun de mes freres et seurs, excepté le dit Pasquier, je laisse x frans.
  • Item, je ordonne que aux heritiers de maistre Jehan de Ruit soit baillee la somme de xxx frans que je devoie au dit defunct au temps de son trespassement.
  • Item, du residu de tous mes biens, je vueil yceulx estre donnez et aumosnez pour Dieu a la voulenté de mes executeurs.
  • Item, je laisse a ma filleule Guillemote, qui demeure chiez mon pere, xlviii solz Parisis.
  • Item, de ce que je puis devoir a maistre Jaques d'Espars, Barthelemi du Moustier et Raoul de Bery pour la demeure que nous avons fait ensemble, je ordonne qu'ilz en soient creuz.
  • Item, je ordonne mes executeurs, mon dit pere, mon frere, maistre Robert Gauthier, Marguerite, ma femme, le dit Pasquier et le dit maistre Barthelemi, et vueil que les deux d'eulx, dont le dit maistre Barthelemi soit l'un, puissent besongner en l'acomplissement de ce present testament. Fait le viiie jour de septembre iiiicxvii.
  • Item, je laisse a Perrin, mon clerc, x frans.
  • Item, a Freminot le Vaasseur, mon nepveu, xii frans.

Le second jour de septembre je visetay ce present testament et vueil, [fol. 349] que se je aloye de vie a trespassement sans hoir de ma char, qu'il se tiengne en l'estat qu'il est, et ou cas que je auroye enfans de ma char, je revoque les laiz fais a mes freres et seurs et a Freminot, mon nepveu, et aussi l'ordonnance du residu de mes biens, et vueil que le jour de mon obseque soient donnez dix frans pour Dieu.

Ainsi signé G. De Vaulx.
Collacio facta est cum originali.