MCCXCVIII

Charles, par la grace de Dieu roy de France. Savoir faisons à tous, presens et avenir, nous avoir receue l'umble supplicacion de nostre amé et feal François de Vendel, che- [p. 95] valier, seigneur dé l'Esbaupinaye1 en nostre seneschaucie de Poictou, contenant que ledit lieu et hostel de l'Esbaupinaye, qui est tenu noblement du seigneur d'Argenton2,[p. 96] de tout temps et d'ancienneté a esté fermé de douves et fossez et jusques à puis huit ou dix ans ença, que ledit suppliant, considerant les dangiers qui chacun jour pevent survenir à nobles gens demourans ou plat païs, voulant obvier aux entreprinses et voyes de fait que on vouldroit contre luy faire sans cause, a commencé à remparer et fortifier sondit hostel, par le congié de bouclie dudit seigneur d'Argenton, et soit ainsi que ledit suppliant, considerant qu'il n'avoit eu ledit congié que de bouche, doubtantque pour le temps avenir on luy en peust aucune chose demander ; doubtant aussi que, à l'occasion de ce qu'il n'avoit de nous congié de fortiffier et emparer sondit hostel, nostre procureur et aultres voulsissent proceder à demolir ou faire demolir et abatre sondit hostel et les fortiffications et emparemens qui y ont esté faiz, et contre luy lendre en amende, nous ait fait humblement supplier et requerir nostre grace et provision luy estre sur ce imparties. Pour ce est il que nous, les choses dessus dictes considerées et les bons et agreables services que ledit de Vendel nous a faiz en maintes manières, et esperons que encores face ou temps avenir, ladicte fortifficacion et emparement faictes par ledit suppliant en sondit lieu et hostel de l'Esbaupinaye avons eue et avons agreable, et de nostre plus ample grace luy avons donné et octroyé, donnons et octroyons par ces dictes presentes congié et licence de parachever, fortiffier et emparer ledit lieu et hostel de l'Esbaupinaye de fossez, murailles, tours, paliz, barbacannez, bonlevars, machicoliz, eschiffes, portaulx, pons levys et autres cloustures et fortifficaeions acoustumées a fortifficacions de placés, et qu'il verra estre neccessaires pour la seureté dudit hostel, pourveu toutesvoyes que ce ne porte dommaige ou[p. 97] prejudice à lachose publicque du païs. Si donnons en maii dement, par ces dictes presentes, au seneschal de Poictou et à tous noz autres justiciers ou à leurs lieuxtenans, presens et avenir, et à chascun d'eulx, si, comme à luy appartendra, que, se, appellé nostre procureur et autres qui seront à appeller, il leur appert ladicte fortiffication n'estre dommageable à la chose publicque du païs, ilz facent, seuffrent et laissent ledit suppliant joyr et user plainement et paisiblement de noz presente grace, don, congié, licence et octroy, sans luy faire, mettre ou donner, ne souffrir estre fait, mis ou donné aucun empeschement au contraire, ores ne pour le temps avenir, pourveu que à ce se consente ledit seigneur d'Argenton, de qui est tenu ledit lieu et hostel de l'Esbaupinaye, se ja fait et consenty ne l'a, et que les habitans et subgetz de icelluy lieu de l'Esbaupinaye, s'aucuns en y a, seront tenuz de faire guet et garde là où ilz l'ont acoustumé de faire d'ancienneté, non obstant ladicte fortifficacion, et aussi que ledit suppliant garde ou face garder ledit lieu tellement et si seurement que aucun inconvenient n'en adviengne à nous ne à noz subgetz du païs d'environ. En tesmoing de ce, nous avons fait mettre nostre scel à ces presentes. Sauf en autres choses nostre droit et l'autruy en toutes. Donné à Montbason, ou mois de fevrier l'an de grace mil cccc. cinquante huit, et de nostre règne le xxxvii^e.

Ainsi signé : Par le roy, maistre Jehan Tudert3 et autres presens. Rolant. — Visa. Contentor. J. Du Ban.