MCCCLVII

Ludovicus, Dei gracia Francorum rex. Notum facimus universis, tam presentibus quam futuris, quod nos predecessorum nostrorum vestigiis inherere volentes, totis desideramus affectibus regni nostri subditos et precipue personas ecclesiasticas in pacis transquilitate fovere, ut eo libentius valeant Domino famulari et ad divinum servicium intendere devocius astringantur, quo per regalem potenciam ab invasionibus, oppressionibus, inquietatibus, injuriis et violenciis noverint se deffensas. Eapropter nos, ad supplicacionem dilectorum nostrorum episcopi et capituli ecclesie cathedralis Malleacensis1, in protectione et salva et [p. 325] speciali gardia regis, tam in capite quam in membris, una cum eorum familiaribus atque bonis suis omnibus quibuscunque ab antiquo existentibus, ipsos episcopum et capitulum presentes et futuros ecclesiamque predictam, tam in capite quam in membris, ac dictorum episcopi et capituli familiares hominesque de corpore, si quos habeant, cum eorum rebus et bonis universis, ex habundanti in nostris protectione ac salva et speciali gardia suscipimus et ponimus per presentes de gratia speciali. Et eisdem gardiatores deputamus spéciales gubernatorem ville nostre de Ruppella ac senescallum nostrum Pictavensem, presentes et futuros, vel loca tenentes eorundem ; quibus et eorum cuilibet, prout ad eum pertinuerit, mandamus, ac dicto gubernatori quoad possessiones et bona dicte ecclesie existentes et defensores commorantes in senescalia et ressorto Xantonensi et senescallie Angolismensis, committimus, necnon dicto seneschallo, quoad possessiones et bona ipsius ecclesie existentes et deffensores commorantes in senescallia Pictavensi, ac ressortis eorumdem, etiam committimus per presentes quathinus predictos episcopum et capitulum, tam in capite quam in membris ac singulas personas dicte ecclesie, necnon familiares ipsorum et homines atque omnia quecunque bona sua deffendant seu deffendi faciant ab omnibus injuriis, violenciis, gravaminibus, oppressionibus, molestacionibus, vi armorum, potencia laicorum ac inquietatibus et novitatibus indebitis, novitates fieri vel inferri [interdicendo], quas, si factas esse vel [p. 326] fuisse, in presentis nostre salve gardie et ipsorum prejudicium, invenerint, ad statum pristinum et debitum reducant seu reduci faciant, ac nobis et parti emendam condignam propter hoc fieri et prestari dictamque salvam gardiam nostram, ubi oportunum fuerit, solenniter publicari, et in signum ejusdem penuncellos nostros seu baculos regios in et super locis, domibus, rebus et possessionibus, juribus, juridicionibus et bonis eorundem ac cujuslibet ipsorum, in terra que jure scripto regitur, et alibi, in casu eminentis periculi, situatis, apponi faciant et procurent ; inhibentes seu inhiberi facientes ex parte nostra omnibus personis de quibus fuerint requisiti, sub certis et magnis penis nobis applicandis, ne eisdem aut eorum familiaribus hominibusque predictis, grangiis, domibus, possessionibus, rebus aut bonis suis quibuscunque quomodolibet forefacere presumant ; et si in casu novitatis inter ipsos aut familiares eorumdem et homines predictos et alios, racione bonorum ecclesie predicte quorumcunque aliquod oriatur debatum, ipsum et rem contenciosam ad manum nostram tamquam superiorem ponant seu poni faciant et, per ipsam facta recredentia illi ex partibus cui de jure facienda, partes debatum facientes, et etiam hujusmodi salvegardie infractores et contemptores et qui, in contentum ejusdem, predictis gardiatoribus aut eorum alteri, seu deputandis ab ipsis vel eorum altero injuriam fecerint vel offensam, sive qui inobedientes fuerint vel rebelles, adjournent seu adjournari faciant coram ipsis, processuri super hoc ut jus erit. Si vero dicti episcopus et capilulum aut singulares persone dicte ecclesie vel aliqui de suis familiaribus et hominibus predictis ab aliquo, vel aliquibus assecuramentum habere voluerint, illud eisdem prestari faciant bonum et legitimum, juxta patrie consuetudinem et prout fuerit de racione faciendum. Omnibus autem justiciariis et subditis regni nostri, presentibus et futuris, damus tenore presentium in mandatis quatinus prefatis guberna- [p. 327] tori et senescallo, et eorum cuilibet, ac deputandis ab ipsis vel eorum altero in premissis et eorum singulis pareant efficaciter et intendant, prestentque auxilium et favorem, si opus sit et super hoc fuerint requisiti. Quod ut firmum et stabile perpetuo permaneat in futurum, presentes litteras sigilli nostri munimine jussimus roborari. Nostro in aliis et quolibet alieno in omnibus jure salvo. Datum apud Sanctum Johannem Angeliacensem, in mense februarii anno Domini millesimo quadringentesimo sexagesimo primo, et regni nostri primo2.

Sic signatum: Per regem ad relacionem consilii. Daniel. — Visa. Contentor. Rolant.