MXVI

Lettres portant assiette du douaire de Madame de Guyenne (Marguerite [p. 423] de Bourgogne, veuve de Louis, dauphin, duc de Guyenne1) remariée à Artur de Bretagne, comte de Richemont, connétable de France, sur Gien, Fontenay-le-Comte, Dun-le-Roi et Montargis. « A icelui nostre cousin, pour et ou nom de nostre dicte seur, sa femme, avons, par maniere de provision et sur ce que povons estre tenuz à nostre dicte seur, à cause du dit douaire, baillié, delivré et delaissié, baillons, delivrons et delaissons par ces presentes tous les chasteaulx, villes, chastellenies et appartenances de la conté de Gien sur Loire2 et aussi les chasteaulx, villes et chastellenies de Fontenay le Conte en Poictou, de Dun le Roy en Berry et de Montargis en Gastinois, avecques toutes leurs revenues et appartenances, etc. Et voulons que, durant le temps que nostre dit cousin joira des conté, terres et seigneuries dessusdictes, il y puisse mettre et instituer en touz endroiz telz officiers que bon lui samblera, excepté tant seulement au regard des officiers des diz greniers à sel, où il n’aura seulement que la nominacion… Donné à Chinon, le ix^e jour de mars l’an de grace mil cccc. xxiiii, et de nostre regne le troisiesme3 ».