MXIX

Lettres portant révocation de « tous dons et tauxations que avons faiz ou temps passé jusques à present sur le fait de nos finances. Et oultre ordonnons par ces presentes retenir et prendre, pour ceste presente année seulement, pour nous en aydier ès choses dessus dictes, toutes noz revenues et finances quelxconques qui, en quelque maniere que ce soit, nous pevent et doivent competter et appartenir, et mesmement de nostre domaine, de noz monnoyes, des greniers à sel, traictes et autres noz receptes ordinaires et extraordinaires quelzconques, que avons transporté et mis hors de noz mains, en noz païs de Languedoïl et du Daulphiné, soit par don, provision, recompensacion ou autrement, en quelque maniere ne pour quelconque cause ou à quelque personne que ce soit, et aussi les gaiges de tous noz officiers, exceptez toutesvoies les gaiges de noz presidens, conseillers et autres officiers de nostre Parlement à Poictiers et des [p. 430] maistres des requestes de nostre hostel, et aussi des capitaines et autres gens ordonnés pour la guerre… Donné à Poictiers, le xii^e jour de juing l’an de grace mil quatre cens vint et six, et de nostre regne le quart1. »