MXXVIII

Charles, etc. Savoir faisons, etc. De la partie de nostre chier et feal cousin, conseiller et grant chambellan, George seigneur de la Trimoille et de Suly, nous avoir esté exposé que aucuns bienveillans et amys privez dudit s^r de la Trimoille et frequentans sa compaignie familiairement lui ont par plusieurs foiz dit et remonstré que, pour cause et occasion d’aucuns cas cy après declairez particulierement, on lui pourroit donner coulpe et charge et en pourroit avoir à besoingner et à faire, et encourir en dangier et dommaige ou temps avenir, se il n’y pourveoit, et qu’il [p. 26] en feust deschargié ; et pour ce y advisast et querist sa provision devers nous. Des quelz cas, ainsi que audit exposant puet souvenir, particulierement la declaration s’ensuit2 : . . . . . . . . . . . . . . . Autres des diz cas regardans la prinse des personnes de Guillaume de Julien et de ung appellé Desiré Martin, bourgois de Limoges. Est assavoir que comme le dit s^r de la Trimoïlle ayant grant auctorité et gouvernement entour nous et en noz affaires, comme il a de present, eust esté prié et requis de par la dicte ville de Limoge et consulat d’icelle de les aidier et secourir de certain nombre de gens d’armes et de trait, pour aller mettre le siege devant le chastel et place de Moruscle (sic) ; lequel s^r de la Trimoïlle obtempera à la dicte requeste, et par les diz de Limoges lui fut promis grant somme de deniers. Et pour les diz gens de guerre entretenir et aler oudit voiage exposa du sien grant somme de deniers. Desquelz paier et tenir promesse, depuis le dit service fait, ceulx de la dicte ville de Limoges furent requis de par icellui s^r de la Trimoïlle plusieurs foiz ; lesquelz en furent delayans. Et pour ce, icellui s^r de la Trimoïlle, recors de ces choses et de son interest, voulant estre recompensé, fist prendre et mener prisonniers les diz Guillaume de Julien et Desiré Martin ou chastel de Chauvigny, où il les avoit fait mettre prisonniers, et mener en nostre chastel de Poictiers et ailleurs où bon lui sembla, comme des plus principaulx du fait et poursuite de la dicte ville de Lymoges, pour estre [p. 27] paié de sa dicte mise et despence. Lesquelz Guillaume de Julien et Desiré Martin lui paierent de vi^m à vii^m frans ou autre somme non gueres plus grant, de toute laquelle somme il n’est pas bien souvenant…. Donné à Poictiers, le septiesme jour de may l’an de grace mil cccc.xxxi, et de nostre regne le x^me3.

Ainsi signé : Par le roy en son conseil, ouquel vous, Christofle de Harecourt4, le mareschal de Saincte Severe5, maistre Jehan de Vaily6 et Junien Le [p. 28] Fevre7, presidens en Parlement, et plusieurs autres dudit conseil estiez. Malliere. Visa. — Contentor. P. Le Picart.