MXXX

Lettres permettant à Georges de La Trémoïlle d’établir un péage sur la Loire, pour ses château et châtellenie de Rochefort, avec le consentement des marchands fréquentant ladite rivière. « A nostre chier et feal cousin, conseiller et grant chambellan, Georges, seigneur de la Trimoïlle, de Suly et de Craon, chevalier,… avons octroyé et octroyons par ces presentes qu’il puisse mettre sus à son chastel de Rochefort, assis sur la riviere de Loyre, par forme de trebut et peage sur chascune pipe de vin menée en devalant et sur chascun muy de sel, mesure nantoise, mené en montant par la dicte riviere de Loyre, à l’endroit dudit chastel de Rochefort, et aussi par terre en toute sa chastellenie du dit Rochefort, ès fins et mettes d’icelle, la somme de quinze deniers tournois, et icelui trebut et peage faire lever doresenavant par ses gens et commis en l’isle de Taneré, en laquele d’ancienneté on a acoustumé de lever le peage ancien de la dicte chastellenie de Rochefort1… Donné à Poictiers, ou mois de may l’an de grace mil quatre cens trente et ung, et de nostre regne le ix^e. — Ainsi signé : Par le roy en son conseil, ou quel vous, l’evesque de Sées2, Christofle de Harecourt3, les sires de Gaucourt4, de Mareuth5 et de Mortemar6 et pluseurs autres estiez. Malliere. »