De Préaux à Puisieux1
. — Vienne
1. Demande de permission d'aller à Notre-Dame de Lorette.
Original autographe
- l-25-A . BnF, fr. 15930: fol. 112-113.
Monsieur
[1.] Vous verrés par celle que nous vous escrivons l'estat des affaires de deça et combien peu honorable i sera doresnavant nostre sejour, lequel au retour de celui que nous avons envoié en Hongrie nous abregerions, n'estoit que nous en attandons la permission du mestre et de vous à qui monsieur d'Angoulesme m'a fait voir ce qu'il mande du desir qu'il a d'accomplir un veu qu'il a faict à Nostre Dame de Lorette et Sa Majesté l'a agreable. S'en me faict vous supplier mouvans de vouloir obtenir la mesme permission pour moi qui desireroit accomplir le mesme veu et voir l'Italie en passant, le chemin n'estant que d'un mois plus long à ceste bien suivie inutille par tout. Toutfois comme je n'é autre volonté que d'obeir, si vous jugés que cela ne se doibve, je suivrés vos conseils et commandements comme je le doibs et la personne du monde à qui je m'estime le plus obligé et à demeurer tousjours
Monsieur
Vostre tres humble et tres obligé serviteur
