[p. 104]

DXI

Permission de fortifier le prieuré de Guesne, dépendant de l'abbaye de Fontevrault.

  • B AN JJ. 102, Musée AE II* 391, fol. 72, n° 211
  • a P. Guérin, Archives historiques du Poitou, 19, p. 104-106
D'après a.

Karolus, Dei gratia Francorum rex. Notum facimus universis, tam presentibus quam futuris, nos ex tenore supplicationis pro parte religiosarum abbatisse et conventus monasterii Fontisebrardi percepisse, quod pro eo quod religiose priorissa et conventus prioratus de Gayna1, membri ecclesie Fontisebrardi, intellexerunt quod regni inimici et pillardi regnum, potissime in partibus et fronteriis Acquittanie, discurrentes, et qui jam in dicto loco et prioratu de Gayna fuerant ac plures ex religiosis et hominibus dicti loci ceperant el occiderant, et alias quamplurimas seditiones et scandala alia inibi fecerant, proposuerant dictum locum de Gayna retinere ac ejusdem ecclesiam, de bono et forti operagio lapideo constructam et edificatam, fortificare religiose ipse, loco ipso prius per milites, nobiles et alios in talibus expertos et cognoscentes visitato et per eosdem reperto et consulto bonum et utile esse, pro bono, utilitate et tuitione patrie et dictarum religiosarum, quod ecclesia dicti loci per tres leucas vel circa prope fronterias Acquittanie, et longe per quinque à fortalicio partem nostram tenente, situata, et in quo loco ipse religiose omnimodam altam, mediam et bassam habent jurisdicionem et justiciam, quam eciam tenent in baronia, fortificaretur et in tali et adeo forti statu poneretur, quod locus ipse et persone ejusdem, que sunt bene quinquaginta [p. 105] religiose, Deo inibi famulantes, in eo tute possent manere et ab inimicorum et pillardorum discursibus et seviciis preservari, ecclesiam predictam fortificari inchoarunt et jam circa id suis propriis sumptibus processerunt in tantum quod in statu resistenti et defensibili contra inimicos existat ; nobis humiliter supplicantes ut, cum ipse ad ulteriorem dicti loci fortificationem et jam cepte perfectionem procedere absque nostra licentia non audeant, quinymo ex eo quod ea non obtenta ad ipsam fortificationem processerunt, formidant se et gentes suas posse per nos et nostros officiarios impediri, sibi nostram in hac parte impartiri gratiam dignaremur. Nos igitur, consideratione habita ad predicta in favoremque dicte religionis, et ut religiose ejusdem ferventius et tutius divino insistere servitio animentur, dictam perficiendi fortificationem ac locum ipsum fortem faciendi et tenendi, sumptibus earumdem, dum tamen locus ipse per baillivum nostrum exemptionum ducatus Andegavensis, vel ejus locum tenentem, visitatus, ad hoc reperiatur habilis et ad id patrie utile existere, auctoritatem et licentiam impartimur. Insuper eisdem religiosis ac earum gentibus quicquid pene vel emende criminalis vel civilis erga nos, dictam ecclesiam, à nobis non habita prius licentia, contra nostras ordinationes regias vel aliàs, fortificando incurrerunt et incurrere potuerunt quoquomodo, eo casti, remisimus et remittimus penitus et quittamus, auctoritate nostra regia, ex certa scientia et de gracia speciali, memorato baillivo ceterisque officiariis et justiciariis nostris, modernis et futuris, et eorum cuilibet, ut ad eum pertinuerit, vel locum tenentibus eorumdem, dantes presentibus in mandatum quatinus dictas religiosas, et alios quos hoc tangit, nostra presenti gratia uti et gaudere pacifice faciant et permittant, nec eas, earum gentes, vel eorum alterum, premissorum occasione, contra tenorem presentium, inquietent vel impediant, seu inquietari, impediri vel molestari ab aliquo [p. 106] de cetero paciantur, in corporibus sive bonis, sed quicquid in contrarium factum vel attemptatum invenerint, ad statum pristinum et debitum reducant et reduci faciant indilate. Quod ut firmum, etc. Nostro in aliis, etc Datum Parisius in domo nostra Sancti Pauli, anno Domini millesimo cccolixxio et regni nostri viiio, mense augusti.

Sic signate : Recourt.

Per regem in suis requestis. Hugo. — Visa.


1 Le prieuré de Notre-Dame de Guesne ou de Gaine (canton de Monts-sur-Guesne, Vienne) avait été fondé de 1106 à 1109. (Epist. Roberti de Arbrissello, apud Clypeus nasc. Fontebraldi ordinis, t. I, part. 2, p. 130.) La seigneurie de Guesne, ayant titre de châtellenie, appartenait au couvent.