DLX
Amortissement d'une rente annuelle de soixante setiers de froment, donnée à l'église et au chapitre de Sainte-Croix de Loudun par Jean de La Jaille, chevalier, maître d'hôtel du roi, et Jeanne Gormont, sa femme, qui y avaient élu leur sépulture et voulaient y faire célébrer chaque jour une messe pour le repos de leurs âmes.
- B AN JJ. 104, n° 167, fol. 73
- a P. Guérin, Archives historiques du Poitou, 19, p. 302-304
Karolus, Dei gracia Francorum rex, notum facimus universis, presentibus pariter et futuris, ad perpetuam rei [p. 303] memoriam. Regalis providencie circonspecta benignitas desideria justa favore congruo prosequi consuevit, et votis eorum qui a rationis tramite non dissonant, sed pocius divini cultus augmentum respiciunt et animarum conferunt ad salutem, libenter se exhibet propiciam et beni gnam. Cum itaque, prout ex insinuacione dilecti nostri Johannis de La Jaille1, militis, magistri hospicii nostri, et Johanne Gormonde, ejus uxoris accipimus, ipsi ad Dei laudem honoremque et augmentacionem ecclesie Sancte Crucis de Loduno2, in qua quidem ecclesia predicti conjuges suam humanam elegerunt devote sepulturam, ipsam ecclesiam capitulumque et canonicos in eodem personalem residenciam facientes, de sexaginta sextariis frumenti annui et perpetui redditus, ad mensuram de Loduno, valentibus, juxta communem estimacionem patrie, quindecim libratas turonensium redditus vel circa, pro una missa qualibet die in eadem ecclesia, ob animarum ipsorum et predecessorum suorum refrigerium et salutem, per dictos canonicos celebranda, dotare proponant, dum tamen in admortisacione eorum nostrum beneplacitum graciose prebere velimus, quod requirunt. Nos eorum laudabile propositum commanda[ntes] et, quantum possumus, approbates, de Altissimi misericordia confidentes et sperantes nos bona spiritualia facilius adipisci, si ad premissa manus [p. 304] nostras porrigamus adjutrices, dictos sexaginta sextarios frumenti annui et perpetui redditus ad opus predictum, tenore presencium, mediante financia moderata, amortisamus, prefatisque conjugibus ex liberalitate nostre celsitudinis regie, auctoritate nostra certaque sciencia, et ex uberiori gracia speciali, concedimus per presentes ut ipsi dictam ecclesiam capitulumque, et canonicos predictos, de dictis sexaginta sextariis frumenti annui et perpetui redditus, ad mensuram et estimacionem predictas, sine tamen feodo et justicia, simul vel per partes dotare valeant, quodque capitulum et canonici, sive illi ad quos regimen illius ecclesie pertinuerit, aut poterit in futurum pertinere, predictos sexaginta sextarios frumenti redditus, ut premittitur, ad opus predictum erogatos et amortisatos, rettineant et perpetuo valeant in manu mortua licite retinere et habere pacifice pariter et quiete, absque eo quod aliquid de ipso redditu vendere vel alienare, aut quoquomodo extra manus suas ponere, teneantur aut eciam cogi possint quomodolibet in futurum. Mandantes dilectis et fidelibus nostris gentibus Camere compotorum nostrorum Parisius, ceterisque justiciariis regni nostri et eorum locatenentibus, presentibus et futuris, quatinus dictos conjuges capitulumque et canonicos ecclesie predicte Sancte Crucis nostra presenti gracia uti [et] gaudere perpetuo faciant et quiete, ordinacionibus, statutis, consuetudinibus, editis seu mandatis ad hoc contrariis non obstantibus quibuscunque. Quod ut firmum et stabile permaneat in futurum, sigillum nostrum presentibus litteris duximus apponendum. Salvo in aliis jure nostro et in omnibus quolibet alieno. Datum in castro nostro de Lupera, anno Domini millesimo ccc. lxxiii. et regni nostri decimo, mense aprilis3.
Chanac. — Per regem, in suis requestis. G. Lesesne.
