MCXXXVIII

Karolus, etc. Benignitatis nostre clemenciam ad illos libenter extendimus et liberali affectu statum eorum promovemus, qui virtutum suffragiis adjuncti digne sibi vendicant premia meritorum. Notum igitur facimus universis, presentibus et futuris, quod cum dilecta nostra Bellassés, filia dilecti ac fidelis nostri Jacobi de Montebronio1, militis, de copula illegitima, de non soluto cum soluta genita, dicatur traxisse originem, nos, attendentes quod ipsa ad proborum et honestorum vestigia imitanda ferventer sic intendere studuit et de bono in melius ad virtutum opera est intenta quod in ea maculam geniture nittitur abstergere, prout fide digna relacione didiscimus multorum, de gracia nostra speciali, auctoritate et potestatis plenitudine regiis, eandem Bellassés de predicta copula genitam ad honores seculares actusque legitimos quoslibet, [p. 11] quoad temporalia, tenore presentium legitimacionis titulo decoramus et hujusmodi geniture maculam quoad premissa penitus abolemus. Concedentes eidem Bellassés ac tenore presentium dispensantes ut ipsa, tanquam legitima, succedere valeat et succedat personis quibuscunque, si de ipsarum personarum processerit voluntate, in omnibus bonis mobilibus et immobilibus in quibus succederet de consuetudine, de jure aut aliàs quovismodo, si esset de legitimo procreata matrimonio, in quibus tamen jus non sit alteri vel aliis jam quesitum, et ea tanquam legitima valeat successorio jure aut aliàs quovismodo vendicare, adipisci, retinere et jure hereditario pacifice possidere, ac de ipsis disponere, ut heres vera, legitima, nisi eadem dumtaxat aliud quod defectus predictus natalium non repugnet, defectu hujusmodi, consuetudine, vel usu generali vel locali regni nostri ad hoc contrariis non obstantibus quibuscunque. Firmiter inhibentes omnibus et singulis regni nostri subditis, presentibus et futuris, ne contra ipsam aut prolem suam vel heredes, successores aut posteros ejusdem in bonis quibuslibet, acquisitis vel acquirendis seu undequaque obveniendis, occasione defectus natalium predicti, impedire, turbare vel molestare presumant quoquomodo ; solvendo tamen nobis financiam, per dilectos et fideles consiliarios nostros Francie thesaurarios moderandam. Quapropter dilectis et fidelibus compotorum nostrorum gentibus, eisdem thesaurariis, generalibusque super facto omnium financiarum nostrarum, senescallo Pictavensi, necnon ceteris justiciariis et officiariis nostris eorumve locatenentibus, presentibus et futuris, et cuilibet ipsorum, prout ad eum pertinuerit, tenore presentium mandamus quatinus presentes legitimacionem, concessionem et gratiam nostras teneant et conservent ac eisdem obtemperent, eandemque Bellassés gaudere pacifice paciantur ; non permittentes eandem aut ab ipsa causam habentes vel habituros inquietari, impediri vel [p. 12] molestari quoquomodo, nunc vel in futurum, contra presentium tenorem litterarum, generalibus vel localibus statutis, usibus, lege et observancia ac editis quibuscunque non obstantibus. Quod ut firmum et stabile perpetuo perseveret, sigillum nostrum hiis presentibus appendi jussimus. Salvo in aliis jure nostro et in omnibus quolibet alieno. Datum Magduni supra Ebram, mense maii anno Domini millesimo cccc^mo xlvii°, regni vero nostri xxv^to.

Sic signatum : Per regem, in suo consilio. Rolant. — Visa. Contentor.