MCXCVII
Rémission accordée à Jean de Scepeaux et Henri Saffait, de Mareuil-sur-le-Lay, pour sa participation au même meurtre.
- B AN JJ. 186, n° 57, fol. 36 v°
- a P. Guérin, Archives historiques du Poitou, 32, p. 199-200
Charles, par la grace de Dieu roy de France. Savoir [p. 200] faisons à tous, presens et avenir, nous avoir receue l’umble supplicacion de Jehan de Sepeaux1 et Henry Saffait2, à present demourans ou chastel de Marueil en Poictou, contenant que le jeudi xxixe jour du mois de (blanc) derrenierement passé, le dit Jehan des Sepeaux, estant ou vergier d’un nommé Pierre Ouvrart, pelletier, vit et apperçut Colas Peyreta, natif de Dampierre sur la Roche sur Oyon, lequel estoit blecié et s’en fuioit droit à la rivière du petit Maruillet et ala jusques au coing dudit vergier où estoit ledit des Sepeaux, suppliant, et après lui vit ung nommé Jehan de Montvent, portant une guisarme, qui le suivoit. Et lors icellui des Sepeaux commença à appeller ledit Peyreta et lui dist qu’il entrast oudit vergier et qu’il lui aideroit à soy sauver. Lequel Peyreta entra oudit vergier, tenant une dague en sa main, etc.3 Donné à Tours, ou mois de decembre l’an de grace mil cccc. cinquante, et de nostre règne le xxixe.
Ainsi signées : Par le roy, à la relacion du conseil. A. Rolant. — Visa. Contentor. E. Froment.
