MCCCCIV

Ludovicus, Dei gracia Francorum rex. Notum facimus universis, presentibus et futuris, nos litteras felicis memorie domini et genitoris nostri, cujus anime propicietur Altissimus, vidisse formam que sequitur continentes :

Karolus, Dei gracia Francorum rex. Ad perpetuam rei memoriam, etc. Datum in Claromonte in Arvernia, mense junii anno Domini millesimo quadringentesimo quadragesimo, et regni nostri decimo octavo1.

Quas quidem litteras preinsertas ac omnia et singula in ipsis contenta, ratas et gratas rataque et grata habentes, laudavimus, aprobavimus et ratifficavimus, laudamusque, aprobamus et ratifficamus, de gracia speciali, plena potestate et auctoritate regia, per presentes, prout et quemadmodum prefati decanus et cappitulum de eisdem rite et juste usi2 sunt et gavisi. Quocirca dilectis et fidelibus consiliariis nostris gentibus nostrum presens tenentibus et qui nostra futura tenebunt parlamenta, ceterisque justiciariis et officiariis regni nostri, vel eorum locatenentibus, presentibus et futuris, ac eorum cuilibet, prout ad eum pertinuerit, damus in mandatis quatinus de nostris presentibus gracia et confirmacione faciant, [p. 20] sinant et permittant dictos de cappitulo et eorum quemlibet uti et gaudere plene et pacifice, absque eis inferendo vel inferri faciendo quodvis disturbium, molestam vel impedimentum in contrarium ; quod si a quodam secus factum fuerit, id tollant et amoveant statim et indilate. Super quibus omnibus et singulis procuratori nostro generali et omnibus aliis quibuscunque perpetuum imposuimus ac imponimus silencium. Et ut ea firmitate perpetua perseverent, nostrum hiis presentibus duximus apponi sigillum. Quarum literarum transcripto seu vidimus sub regio sigillo confecto (nam dicti de cappitulo, eorum particulares ac eciam persone singulares hujusmodi Pictavensis ecclesie eisdem litteris indigebunt in pluribus et variis locis, in quibus, discriminum et periculorum formidine que sunt et eminere possunt super itineribus, non auderent hoc originale defferre), nos, de ampliori gracia nostra, volumus, ordinamus et decernimus tantam fidem adhiberi sicut hiis originalibus litteris. Nostro tamen in aliis et alieno in omnibus jure semper salvo. Datum Pictavis, mense februarii anno Domini millesimo quadringentesimo sexagesimo quarto, et regni nostri quarto.

Sic signatum : Per regem, comites Cenomannie et Convenarum, episcopo Pictavensi, dominis Landarum, de Basoges ac aliis presentibus3. [De Moulinis. — Visa. Contentor. Duban.]