CLXXXV

Philippes, par la grâce de Dieu, rois de France, à nostre amé et feal le visconte de Touars1, salut et bon amour. Comme nos annemis et rebelles de Flandres s'efforcent de plus en plus à grever de jour en jour nous et nostre roiaume, et aient jà nostre ville de Lisle assegié et pourpris à grant partie du païs environ, savoir vous faisons que nous, pour contraitier à leur mauvese emprise, avons ordené à estre, [p. 4] sanz nul deffaut, à Araz, à la quinzainne de la mi aoust prochaine, et avons fait faire général semonse par nostre royaume, par ban et par arriere ban, au diz jour et lieu pour nous, et affectuosement vous prions et requerons, et sur la fealté et sur l'amour que vous avez à nous et au roiaume, estroitement mandons que vous, as jour et lieu dessus diz, au plus tart, soiez sanz nul deffaut avec nous, si convenablement appareilliez de genz d'armes et de chevaus que nous nous en doions tenir pour paiez et vous savoir bon gré, et vous guerredonner vostre bon servise. Donné à Saint-Germain en Laie, viii. die augusti2.