CLXXXIX

Philippes, par la grace de Dieu, roi de France, au seneschal de Poitou et à tous ceus qui sont de par nous envoiez en la seneschaucie de Poitou, pour haster et avancier notre semonse d'armes, salut. Nous vous mandons et commandons si estroitement comme nous plus poons que vous, par toutes les voies et manieres que vous pourrez mieux, amonestez et amenez à ce touz ceus qui souz nostre semonse sont compris, et avêcques tout ce leur commandez si estroitement comme plus pourrez, que tantost, sanz nul delai, il voisent en nostre ost de Flandres appareillié le plus souffisanment qu'il pourront, et que sanz nulle faute il soient à Arraz à cest prochain jour de mi aoust, selonc la fourme de nostre dite semonse. Et tu, seneschal, se cil que nous avons jà envoiez en ta seneschaucie [p. 8] pour l'avancement de ceste besoigne, ne sont ès parties de ta seneschaucie pour toi avec eus puisses cest nostre mandement [faire], cest nostre mandement faces et emplises diliganment, et bien faces savoir que nous ne devrons tenir à feel ne à ami qui en cest besoing nous faudra. Donné à Paris, v. jour ou mois d'aoust, l'an de grace mil ccc. et trois1.