CCXXXII

Karolus, Dei gratia, Francorum et Navarre rex. Notum facimus universis, tam presentibus quam futuris, quod nos dilectorum nostrorum episcopi1 et capituli2 ecclesie de Luxonio Sancti Benedicti supplicacioni favorabiliter annuentes, et ut ipsi tanto liberius et fervencius intendere valeant et vaccare ad divinum servicium faciendum, quanto melius et selerius per regie protectionis presidium defendi poterunt et tueri ab oppressionibus, injuriis et violenciis malignorum, satagencium nonnunquam ecclesias et ecclesiasticas [p. 75] gravare personas, ac eorum res et bona violenter et alias minus racionabiliter usurpare, prefatos episcopum et capitulum, eorumque familiam, homines, mansionarios et subditos, tam in capite quam in membris, cum ipsorum possessionibus, rebus et bonis quibuscunque, que in presenti juste possident ac imposterum possidebunt, in nostra protectione regia et gardia speciali pro nobis, successoribusque nostris, Francorum regibus, graciose recepimus per presentes, quibus damus in mandatis Xanctonensi et Pictavensi senescallis, ac ballivo Turonensi, presentibus et futuris, eorumque loca tenentibus, et ceteris justiciariis dicti regni, quatinus supranominatos manuteneant et conservent in suis juribus et justis possessionibus et saisinis, et defendant ab injuriis, violenciis, oppressionibus, vi armorum et novitatibus indebitis quibuscunque, et si quas eis factas invenerint, eas ad statum pristinum et debitum sine mandati alterius expectacione reducant. Quod ut ratum et stabile permaneat in futurum, nostrum presentibus litteris fecimus apponi sigillum. Nostro in aliis et alieno in omnibus jure salvo. Actum apud Fontem de Besu, anno Domini millesimo trecentesimo vicesimo tercio, mense julii.

Per dominimi regem, ad relacionem domini Alfonsi. Barriere.