[p. 49]

CCXXI

Assignation sur différents revenus des châtellenies de Loudun et de Chinon d'une rente annuelle de deux cents livres parisis que Trouillard d'Usages, chevalier, prélevait précédemment sur le Trésor royal.

  • B AN JJ. 56, n° 534, fol. 233 v°
  • a P. Guérin, Archives historiques du Poitou, 13, p. 49-52
D'après a.

Philippus, etc. Notum facimus universis, tam presentibus quam futuris, quod, cum dilectus et fidelis Troillardus de Usagiis, miles noster, nobis humiliter supplicasset ut, cum Guillelmus de Usagiis1, miles, pater suus, ducentas libras parisiensium, quas in Thesauro nostro Parisius percipiebat hereditarie, singulis annis, transtulerit in eundem, et de ipsis prefatum Troillardum in nostrum receperimus homagium, vellemus eidem predictum annuum perpetuum redditum per manum suam in denariis de cetero recipiendis in ballivia Turonensi, in locis competentibus, assignare et eciam assidere, et ob hoc ballivo nostro Turonensi mandaverimus ut ipse cum diligencia se informaret, sine dilacione quacunque, ubi prefatus redditus posset infra dictam balliviam in denariis prefato militi nostro, sic ut predicitur, assideri, et informacionem quam inde faceret nobis quantocius transmitteret, sub sigillo suo fideliter interclusam, prefatusque ballivus Turonensis nobis rescripserit, informacione [p. 50] prehabita per ipsum, de mandato nostro, facta et nobis reportata, quam vidimus et videri fecimus diligenter, ipsas ducentas libras Parisius eidem militi assignari posse convenienter per manum suam in denariis percipiendis, cum minori nostro incommodo, in et super rebus infrascriptis, in modum qui sequitur. Videlicet in ressorto castellanie de Loduno et in villa de Berciere super tria besanta aurea nobis debita, pro quibus percipere consuevimus annuatim sexaginta solidos turonensium, et residuum dicte summe in villa et castellania nostris de Caynone, in modum qui sequitur : videlicet super pedagio aque de Vianna apud Caynonem, centum decem libras turonensium. Item super pedagio terre cum redditibus, prout Stephanus Balleriau ipsos ad presens tenet ad firmam, quaterviginti libras turonensium. Item super quadam firma in denariis, vocata terra Juliane de Chouzé, quolibet anno decem libras turonensium. Item super le prin et l'estevaiges piscium, apud Caynonem, vij. libras turonensium. Item super tallia terciennaria2 de Caynone, viginti libras turonensium. Item ab heredibus magistri Guioumart deffuncti, super cimiterio et duabus domibus, que condam fuerunt Judeorum, apud Caynonem, xx. libras turonensium3. Super quibus et de premissis superius declaratis summas predictas, prout superius est expressum, singulis annis, in denariis percipere consuevimus et habere, prout per ipsius ballivi Turonensis informacionem, per ipsum de mandato nostro factam et nobis reportatam, ut dictum est, legitime nobis constat. Nos igitur Thesaurum nostrum predictum redditu annuo predicto exonerare et ipsius militis supplicacionibus annuere [p. 51] volentes, predictas ducentas libras parisiensium eidem militi nostro, prout eas prèfatus Guillelmus de Usagiis, pater suus, in et super Thesauro nostro predicto percipere consuevit, in et super rebus et redditibus predictis, superius declaratis, percipiendas ab ipso suisque heredibus in futurum in denariis, per manum suam et heredum suorum, assidemus et eciam assignamus. Volentes et eidem militi nostro, de gracia speciali, concedentes quod idem miles noster ipsiusque heredes predictas ducentas libras parisiensium in denariis, singulis annis, imperpetuum, per manum suam vel mandati sui et heredum suorum, de et super rebus et redditibus predictis, superius declaratis, terminis ad hoc statutis, percipiant et habeant absque dangerio quocunque. Quas res et redditus predictos per gentes nostras adcensari, singulis annis, seu ad firmam tradi et liberari, prout hactenus est fieri consuetum, volumus et mandamus, quodque rerum ipsarum adcensatores qui nunc sunt et pro tempore fuerint, singulis annis, se militi predicto de censis ipsis, usque ad valorem dictarum ducentarum librarum parisiensium, obligare teneantur, et de dicta summa ducentarum librarum eidem militi et ejus heredibus imperpetuum integriter respondere. Salvo et retento nobis quod, si dicti redditus superius declarati adcensarentur seu ad firmam traderentur, singulis annis, plus quam ducentarum librarum parisiensium predictarum summa ascendat, quod illud quod superascendet, nobis remanebit et per gentes nostras percipietur. Volentes nichilominus quod, si accensatores, prepositi, receptores aut custodes rerum et reddituum predictorum de solvendo, terminis ad hoc statutis, dictam summam defecerint, ballivus noster Turonensis, qui nunc est et qui pro tempore fuerit, eosdem viriliter et debite compellet ad solvendum, et permittat de cetero ipsum Troillardum, heredes ipsius et successores, predictas ducentas libras parisiensium in denariis, singulis annis, imperpetuum, per manum suam et [p. 52] heredum suorum, in, de et super rebus et redditibus predictis percipere et levare, prout superius est expressum, ordinacione quacunque4 contraria non obstante. Quod ut ratum et stabile permaneat in futurum, presentibus litteris nostrum fecimus apponi sigillum. Salvo in aliis jure nostro et in omnibus quolibet alieno. Actum apud Oratorium super Ligerim, anno Domini m. ccc. decimo octavo, mense novembris.

Rescripta, quia in prima omissa fuerat illa clausula : Item ab heredibus magistri Guyoumar deffuncti super cimiterio, etc., prout in dicti ballivi relacione continetur. Que signata erat sic : Per dominum regem, Gyem.

Rescripta post correpcionem (sic) Camere Compotorum, videlicet quod dictus miles, auctoritate propria, propter deffectum solucionis non posset gagiare, sed per ballivum petere debitam execucionem.

Aprilis, de precepto Camere, quia originalis littera passata fuerat per dominum regem, scripta et signata per Gyem.


1 Guillaume d'Usages, vidame du Mans, avait épousé Eustache de Bauçay, fille d'Hugues V, seigneur de Bauçay. (Voyez le n° LI du premier volume et la note 2 de la page 114.)
2 On lit ballivia terciennaria dans un premier enregistrement de cette pièce. (JJ. 56, n° 305, fol. 139.)
3 Dans la première rédaction, cette phrase ne se trouve point. Elle fut intercalée dans cette seconde rédaction, que nécessitèrent les corrections demandées par la Chambre des Comptes, suivant la mention qui se trouve à la suite du texte publié ici.
4 Cette phrase depuis Volentes nichilominus était remplacée, dans la première rédaction, par les deux suivantes : « Volumus eciam quod prefatus miles ejusque heredes, adcensatores rerum et reddituum predic torum, singulis annis, ad solvendam sibi summam predictam, terminis ad hoc statutis, debite compellere valeant, auctoritate sua propria, et ipsos propter hoc gagiare. Dantes baillivo nostro Turonensi qui nunc est et qui pro tempore fuerit, presentibus in mandatis quod prefatum militem ejusque heredes predictas ducentas libras parisiensiumin denariis, singulis annis, imperpetuum, per manum suam et heredum suorum, in, de et super rebus et redditibus predictis percipere et levare permittat, etc. »