CCXIII
Don à la dame de Sormery d'une maison, dite de l'Écureuil, sise à Paris, dans la censive de Saint-Germain-des-Prés, qu'Étienne de Bourret, sous-doyen de Poitiers, avait vendue au roi.
- B AN JJ. 52, n° 53, fol. 28
- a P. Guérin, Archives historiques du Poitou, 13, p. 40-41
Ludovicus, Dei gracia, Francorum et Navarre rex. Notum facimus universis, tam presentibus quam futuris, quod nos dilecte nostre Marie de Cheu, domine de Sormeri1, obtentu grati servicii nobis ab eadem diucius et fideliter [p. 41] impensi, quamdam domum, sitam Parisius in. censiva Sancti Germani de Pratis, vocatam vulgariter de l'Escuruel, quam dilectus et fidelis magister Stephanus de Borreto, subdecanus Pictavensis, clericus noster, ab Aelipde dicta à l'Escuruel, cive parisiensi, et Nicolao ejus filio, emit, prout in litteris Castelleti nostri Parisiensis, super hoc confectis, plenius continetur, quam eciam idem subdecanus nobis vendidit cum suis pertinenciis, duximus de speciali gracia concedendam, tenendam et possidendam ab ipsa suisque heredibus et ab ipsis causam habituris perpetuo pacifice et quiete. Quod ut firmum et stabile permaneat in futurum, sigillum nostrum presentibus litteris fecimus apponi. Salvo in aliis jure nostro et in omnibus alieno. Actum apud Vincennas, anno Domini m. ccc xv., mense aprili.
Per dominum regem, Yvo.
