CCL

Philippes, par la grace de Dieu, roys de France. Savoir faisons à touz, presens et avenir, que, de grace especial et de certeine science et de nostre pooir royal, et pour con-sideracion de bons services que Regnaut, dit Crollebois1, nostre receveuur de Poitou et de Xanctonge, nous a faiz, nous ycelui Regnaut, li quiex est descenduz de lignie non noble, avons nobli et noblissons, et voulons et li octroions que dores en avant, il et toute sa posterité presente et avenir, descendans par droite ligne de son propre corps, soient reputez et tenuz pour nobles, et que il joissent et usent de touz droiz, franchises et libertez, dont les autres nobles de nostre royaume joissent et usent. En tesmoing des quelles choses, et que elles soient fermes et estables à touz jours mais, nous avons fait mettre nostre seel en ces lettres. Donné à Becoysel, le xxije jour de jullet l'an de grace mil ccc. trente et six.

Par le roy. Barriere.