CCXXX

Philippus, Dei gratia, Francorum et Navarre rex. Notum facimus universis, presentibus et futuris, quod nos attendentes grata liberalitatis obsequia, que dilectus noster Herbertus Bellandi1 nobis impendit multipliciter et devote, eidem graciose concedimus per presentes quod ipse, licet [p. 73] ex parentibus nobilibus ortus non fuerit, valeat tamen per quemcunque militem, quemeunque voluerit, militari cingulo insigniri, quodque tam ipse quam ipsius successiva posteritas privilegiis et libertatibus nobilium perpetuo gaudeant, feoda nobilia acquirere et tenere valeant absque omni financia et ad omnes actus nobiles admittantur, ipsos quo ad hoc nobilitantes de regie nostre plenitudine potestatis. Et in hujus testimonium, presentes litteras sibi concessimus, sigilli nostri appensione munitas. Actum Pictavis, anno Domini m. ccc. vicesimo primo, mense junio.

Per dominum regem, ad relacionem thesaurarii Remensis. Z. Maillardus.