CCIII
Le roi, ayant interdit le transport des monnaies hors du royaume, enjoint aux sénéchaux de Poitou et de Saintonge et au bailli de Touraine, de prononcer des peines sévères contre les infracteurs, à la poursuite de M. de Veran, maître de la Monnaie de Montreuil-Bonnin, et de publier de nouveau l'ordonnance prohibitive.
- B AN JJ. 36, n° 242, fol. 101
- a P. Guérin, Archives historiques du Poitou, 13, p. 20-21
Philippus, Dei gratia, Francorum rex, Xanctonensi et Pictavensi senescallis ac ballivo Turonensi, salutem. Cum aliàs per proclamacionem publicam1districtè fecerimus inhiberi ne quis aurum, argentum vel billionem extra regnum nostrum deferre vel ducere, seu ad alias monetas quam ad propinquiores monetas nostras quoquomodo presumeret, intellexerimusque nonnullos contra inhibicionem hujusmodi attemptasse et cotidie attemptare, nos, proclamacionem et inhibicionem predictas volentes firmiter et integraliter observari, mandamus vobis et vestrum cuilibet, atque districtè precipimus quatinus omnes illos quos Maunerel de Verano, magister monetagii nostri de [p. 21] Monsterolio Bonini, valletus noster, vobis sufficienter ostenderit, aut aliàs legitimè noveritis, contra proclamacionem et inhibicionem predictas, aurum, argentum vel billionem extra regnum nostrum traxisse quomodolibet, vel ad alias monetas quam ad nostras propinquiores, ut dictum est, detulisse, vel in futurum deferre, juxtà facti seu delicti exigenciam, prout rationabile fuerit et ad vos pertinuerit, taliter puniatis quod eorum pena transeat aliis ad terrorem. Ceterum, ut omnes à premissis arcius compescantur, inhibicionem predictam per proclamacionem publicam in villis et locis senescalliarum et ballivie vestrarum, de quibus expedire videritis, volumus iterum innovavi. Datum apud Castrum Renardi, secunda die septembris, anno Domini m. ccc. quinto.
