CXCVIII
Mandement au sénéchal de Poitou et aux commissaires chargés de la levée des aides, d'envoyer les deniers recueillis au Trésor du Temple à Paris, et d'informer la chambre des Comptes des sommes envoyées à cette destination, et de celles qui auraient pu être expédiées à Arras directement pour la solde des sergents.
- B AN JJ. 35, n° 182, fol. 90 et JJ. 36, n° 181, fol. 78 v°
- a P. Guérin, Archives historiques du Poitou, 13, p. 15-16
Philippus, etc., senescallo Pictavensi et superintendentibus negocio novissime subvencionis pro exercitus nostri Flandrensis succursu nobis concesse, à nobis in eadem senescallia deputatis, salutem. Mandamus vobis et districtè precipimus quatinus omnem pecuniam, que nobis, tam racione dicte subvencionis et aliarum precedencium quam de debitis Judeorum et alia quacunque de causa in dicta senescallia debetur, in cujus explectacione vos negligentes hactenus exhibuistis et remissos, receptis presentibus, levari et explectari, juxta ordinacionis nostre seriem, faciatis, et thesaurariis nostris Parisius apud Templum celeriter [p. 16] assignari, gentes nostras Compotorum Parisius de summis quas ibi miseritis et que per vos recepte fuerint, et à quibus personis, quasque Attrebatis miseritis, si fortè pro solucionibus servientum vos pecuniam ibi mittere contigerit, vestris litteris certificantes, prefatam subvencionem in terris baronum, nobilium et aliorum, per quos in suis terris colligi debet et levari facientes, juxtà mandatum nostrum aliàs vobis factum, per eos colligi adeo celeriter et levari, in presencia tamen alicujus à vobis ad hoc deputati, quod pecuniam exindè levatam possitis apud Templum, ut premittitur, celeriter assignare. Si fortè pro aliquibus dictorum baronum ant nobilium aliquibus scripserimus, quibus in aliquo pro eorum stipendiis teneamur, volumus id quod sibi debemus ex dicta subvencione terrarum ipsarum primitus deduci, et residuum, ut dictum est, apud Templum assignari. Illis vero, qui numerum servientum in predicto exercitu mittere promiserunt, ex parte nostra districtius injungente quatinus ipsos tam sufficientes sic celeriter ac competenter munitos ibi mittant, quod deffectus circa hoc nequeat inveniri, ceteros vero, qui servientes per nos quesitos solvere promiserunt, compellentes ut pecuniam pro dictis servientibus solvendis apud Attrebates per proprios eorum nuncios adeo festinanter mittant, quod pro solucionis defectu iidem servientes à nostro servicio non recedant. In executione predictorum vos ita diligentes exhibere curetis quod precedentem negligenciam sequens diligencia valeat excusare, quodque ob inherciam seu tepiditatem vestram nos dampnum incurrere non contingat. Quod si fortè contingeret, quod absit, vobis imputaremus et de vestro restitui faceremus. Actum, etc.1.
