CCXXXI

Philippus, Dei gratia, Francorum et Navarre rex. Notum facimus universis, presentibus et futuris, quod nos religiosos viros, abbatem et converitum monasterii Bonevallis, Gisterciensis ordinis, Pictavensis dyocesis, immediate nobis subjecti, racione temporalitatis ipsius, tam in capite quam in membris, una cum bonis, rebus, possessionibus, hominibus et familia eorumdem, in nostra protectione et salva gardia speciali suscipimus et ponimus per presentes. Mandantes senescallis Pictavensi et Xanctonensi, ac ballivo Turonensi, ceterisque justiciariis nostris, ad quos presentes littere pervenerint, qui nunc sunt et qui pro tempore fuerint, prout ad eorum quemlibet pertinuerit, contra dictos religiosos nec non homines et familiam eorumdem in suis justis possessionibus, libertatibus, franchisiis, juribus et saisinis, sub nostris protectione et gardia speciali predictis manuteneant et conservent, nec non ab injuriis, violenciis [p. 74] vi armorum et laicorum potencia, oppressionibus et novitatibus indebitis quibuscunque defendant faciantque defendi, nec permittant contra ipsos, in contemptum dicte gardie nostre, aliquid attemptari seu eciam innovari, sed attemptata seu innovata, si que sint, ad statum pristinum et debitum indilate reducant. Quod ut ratum et stabile permaneat in futurum, presentibus litteris nostrum fecimus apponi sigillum. Nostro et alieno in omnibus jure salvo. Actum Parisius, anno Domini millesimo trecentesimo vicesimo primo, mense julii.

Per dominum regem, ad relacionem thesaurarii Remensis. J. de Templo.