CCCXXIII

Philippes, etc. Savoir faisons à touz, presens et avenir, que [p. 331] nous, oye la supplication de noster amé et feal Guy Larcevesque 1, sire de Taillebourc, chevalier, disant que pour cause de noz guerres il ait perdu son chastel et chastellenie de Soubise, et les fruiz et yssues de sa chastellenie de Taillebourc de ceste presente année, et avec ce li a convenu moult grandement frayer et despendre du sien, pour cause de noz dictes guerres, et en la garde de son dit chastel et ville de Taillebourc, nous, en recompensacion des choses dessus dites et aussi pour les bons et aggreables services que le dit chevalier nous a fait en noz dites guerres et fait encores touz les jours, avons donné et octroié, donnons et octroions, de grace especial et auctorité roial, par ces presentes, au dit chevalier cinq cenz livrées de terre à prenre sur les biens et heritaiges de ceuls des dites villes et chastellenies de Taillebourc et de Soubise, qui se sont renduz rebelles contre nous et du serement et alience de noz anemis, à tenir et possider par le dit chevalier et ses hoirs, [p. 332] tant comme yceuls seront en rebellions et desobeissance. Si donnons en mandement, par ces lettres, à nostre seneschal et receveur de Xanctonge que de nostre presente grace facent et laissent joir et user paisiblement le dit chevalier et ses hoirs, en la maniere dessus dite, et que il facent et facent faire la prisie de la terre, toutefoiz que requis en serons, non contrestant don que nous en façons à autre. Et que ce soit ferme chose et estable à touz jours mais, nous avons fait mettre nostre seel à ces presentes lettres. Sauf en autres choses nostre droit et l'autrui en toutes. Ce fu fait à Maubuisson lez Pontoise, l'an de grace mil ccc. quarante et six, ou mois de decembre.

Par le roy à la relacion ds son grant conseil, ou quel messieurs de Beauvez et de Laon2, vous, les seigneurs d'Offemont3et de Til 4 estiés. Pelicier.