CCLXXXVIII

Philippes, etc. Au seneschal de Poitou ou à son lieutenant, salut. Comme nostre amé et feal cousin, le conte de Eu, connestable de France nous ait exposé que il a de nouvel acquis l'ommage et la terre du filz Huguet d'Ambois, qui doit estre tenu de nous pour cause de la chastellenie de Saint-Maixent, savoir faisons que nous avons octroié et, de grace especial, de nostre certeinne science, octroyons à nostre dit cousin que le dit hommage et terre il tiengne de nous adjoint à la foy et homage que il nous a fait et est tenuz à faire pour ses autres terres de la seneschaucie de Poitou, senz ce que pour ceste cause il nous soit tenuz à faire autre hommage. Donné à Saint-Germain-en-Laye, le xx^e jour de janvier, l'аn de grace mil ccc. quarante et un.