CCXXIII

Philippus, Dei gratia, Francorum et Navarre rex. Notum facimus universis nos infraseriptas vidisse litteras in hec verba :

Universis presentes litteras inspecturis, Henricus de Taperello2, custos prepositure Parisiensis, salutem. Notum facimus quod, coram Herberto dicto Guerout et Michaele de Donchereyo, clericis, notariis juratis ex parte domini nostri Francorum et Navarre regis, in Casteleto Parisiensi constitutis, quibus in hiis et majoribus fidem indubiam adhibemus et quibus, quo ad hoc, tenore presencium, commisimus vices nostras, propter hoc personaliter constitutus nobilis vir dominus Hugo de Cella, dicti domini nostri regis miles, ex sua certa sciencia liberaque ac spontanea et mera voluntate, recognovit et confessusfuit, tam prose et ejus nomine quam pro suis heredibus et successoribus suis, et eorum nominibus, conjunctim vel divisim, se vendidisse, pure et libere ac simplicis vendicionis [titulo], cessisse, transtulisse, concessisse et eciam perpetuo dimisisse, et adhuc [p. 55] exnunc imposterum hereditaliter vendidit, cessit, transtulit, concessit et perpetuo penitus dimisit nobili ac potenti viro, domino Poncio de Mauritania, vicecomiti de Aunayo, licet absenti, tanquam presenti, reverendo patre domino, domino Fulcaudo de Ruppecavardi3, Dei gracia Noviomensi episcopo, avunculo ejusdem domini Poncii, ibidem coram prefatis notariis juratis presente, et, pro ipso domino Poncio, ac nomine et ad opus ipsius heredumque et successorum ejusdem, ac ab ipso causam habiturorum, emente à dicto domino Hugone, venditore, recipenteque ac sol lempniter super omnibus et singulis infrascriptis, pro eodem domino Poncio, stipulante, castrumsuum etcastellaniam de Fontanis, que idem dominus Hugo, venditor, asserebat se habere tam in Xantonensi, Pictavensi, quam Engolismensi dyocesibus, una cum Brolio de Chenès, ac acquisitis per eum, que tenebat et possidebat idem dominus Hugo, tempore vendicionis predicte, sibique donatis ibidem, cum omnibus et singulis pertinenciis eorumdem, altaque et bassa justicia et mixto imperio, necnon et omne jus, racionem, accionem, dominium, possessionem et quasi ac proprietatem, que et quas idem dominus Hugo babebat habereque poterat et debebat, et ad ipsum pertinebant aut pertinere debebant, quoquo modo, jure, causa, racione, accione seti titulo, in castro, castellania et brolio ac acquisitis que tenebat, ut predicitur, et donatis ceterisque pertinenciis eorundem, sive sint domus, turres, menia, fortalicie seu quelibet alia edificia, census, redditus, accapita, exitus et proventus, decime, jura, jurisdiciones, bomagia nobilia vel innobilia, leuda, retrofeuda, servicia, expleta, nemora, garene, prata, vinee, pascua, aque, stanna, piscarie, molendina, [p. 56] furni, lande, costume sive pedagia, terre culte et inculte, foreste, silve, paludes, sive alia quecunque jura et deveria, quoquo nomine et vocabulo nuncuppantur, titulo pure, perfecte et irrevocabilis perpetueque et stabilis vendicionis. Que omnia et singula prefatus dominus Hugo, venditor, exnunc coram dictis notariis juratis, sua sponte, transtulit et penitus dimisit in eundem dominum episcopum, loco, nomine et ad opus ejusdem domini Poncii, et pro ipso ac causam ab eo habiturorum, prefato domino Noviomensi episcopo, ut persona conjuncta dicti domini Poncii et privata, sub nomine proprio, Fulcaudo stipulante pro eodem domino Poncio et eciam recipiente, et hoc pro precio et summa quinque milium quingentarum librarum turonensium parvorum. Quam quidem peccunie summam prefatus dominus Hugo dixit, recognovit et sponte confessus fuit coram prefatis notariis juratis, se habuisse et integre recepisse in bona peccunia numerata à predicto domino Poncio, vel alio ejus nomine, aut de mandato ejusdem domini episcopi, nomine ipsius domini Poncii et pro ipso, pro precio et nomine precii castri, castellarne, datorum et acquisitorum ac brolii predictorum, devestiens se prorsus idem dominus Hugo, pro se et heredibus ac successoribus suis, de castro, castellania, brolio et aliis datis sibi et acquisitis per eum ibidem, ut pretactum est, et eundem dominum episcopum, nomine quo supra, investivit de eisdem, nomine et ad opus prefati domini Poncii et pro ipso, cum hiis presentibus litteris valituris, ac exnunc constituit se possidere Castrum, castellaniam, brolium et alias res venditas supradictas, nomine domini Poncii antedicti, nichilque sibijuris, proprietatis, possessionis autcujuslibet accionis, dominii, sive peticionis retinens in eisdem, fecit et statuit, condiditque dictum dominum Poncium de et in predictis omnibus et singulis exnunc perpetuo verum dominum et possessorem, tanquam in rem suam propriam absolvens amodo, liberans atque quictans idem dominus [p. 57] Hugo, quantum ad premissa omnia et singula, omnes et singulos vassallos, homines tam ligios quam pianos, emphitheotas, tenenciarios, sive servos, ab homagiis, juramentis, fidelitatibus, censibus, redditibus, servitutibus, seryiciis, juribus, deveriis et expletis eidem debitis quomodolibet, racione hujusmodi castri, castellanie et brolii ac acquisitorum per eum sibique donatorum ibidem. Voluit etenim, mandavit, vult et mandat atque precipit prefatus dominus Hugo, tenore presencium, eisdem vassallis, hominibus tam ligiis quam planis, emphiteotis, tenenciariis, servis et quibuslibet, quorum interest, ut exnunc de cetero prefato domino Poncio et suis heredibus ac successoribus et causam ab eo habituris, vel eorum aut ipsius domini Poncii mandato, et nulli alii deinceps perpetuo respondeant, sibique pareant et intendant in et de premissis omnibus et singulis, tanquam vero domino et possessori castri, castellanie, brolii et aliorum donatorum ac acquisitorum predictorum. Voluit eciam et concessit prefatus dominus Hugo quod idem dominus Poncius, per se aut per alium seu alios, possessionem corporalem et realem hujus modi rerum venditarum exnunc apprehendat, sua auctoritate propria, quandocunque ipsi domino Poncio placuerit et visum fuerit expedire. Requirens nichillominus idem dominus Hugo, tenore presencium, nobilem virum dominum, dominum de Partenayo ceterosque alios dominos, à quo seu quibus hujusmodi castrum ac castellania et alie res vendite tenentur in feudum se movere aut teneri quomodolibet noscuntur, ut exnunc prefatum dominum Poncium admittat vel admittant ad homagia et fidelitates sibi debitas pro predictis et quolibet predictorum.

Actum fuit eciam expresse et in hujusmodi vendicione conventum inter prefatum dominum Noviomensem episcopum, quo supra nomine, et eundem dominum Hugonem, venditorem, quod ipse dominus Hugo, pro se nec heredibus suis aut causam ab eo imposterum habituris, non [p. 58] tenentur de premissis aut quolibet premissorum facere garentiam seu garimentum aliquam vel aliquod, nec ob deffeetum seu loco garentie seu garimenti aliquid facere, reddere, solvere nec precium restituere seu alias in aliquo teneri, racione premissorum, erga aliquem seu aliquos, prefato domino Poncio nec suis heredibus aut causam ab ipso habentibus, vel eciam habituris, nisi duntaxat de ipso domino Hugone suisque heredibus et successoribus, vel causam ab eo habentibus et eciam habituris. Et nichilominus dictus dominus Hugo tenetur, suis sumptibus et expensis, amovere et eciam acquictare solummodo et non alias hujusmodi res venditas de omnibus obligacionibus quibuscunque, si que per ipsum dominum Hugonem vel per alium seu alios, ejus nomine, vel ipso ratum habente, facte fuerint à tempore à quo res hujusmodi vendite ad manum ipsius domini Hugonis pervenerunt usque ad datam presencium litterarurn. Tenetur eciam liberare ac eciam tradere idem dominus Hugo exnunc, loco tocius garentie vel garimenti, prefato domino Poncio omnes litteras, instrumenta atque cartas, que et quos habet de omnibus rebus venditis supradictis, cujuscunque condicionis existant, ut idem dominus Poncius de cetero melius se deffendere valeat et juvare in premissis, sibique vendita garentire. Nec voluit dictus dominus Hugo dictis litteris, cartis et instruments sibi traditis, racione garentie seu garimentialias, racione premissorum, dicto domino Poncio nec suis in aliquo se teneri, nisi de se et suis ac amocione obligacionum, ut superius est expressum. Que omnia et singula, prout superius sunt expressa, prefatus dominus Hugo promisit per juramentum ipsius ac fide media in manibus dictorum notariorum juratorum prestita corporali, firmiter tenere et inviolabiliter observare ac contra ea vel eorum aliquod quemlibet, per se vel per alium, non venire in futurum, racione quacunque seu causa. Pro quibus omnibus et singulis firmiter tenendis, etc., obligavit, etc. Renuncians [p. 59] in hoc facto dictus venditor, etc. — Hec autem omnia et singula, prout superius exprimuntur, acta et concordata fuerunt coram prefatis notariis juratis, prout ipsi nobis vive vocis oraculo concorditer retulerunt. Ad quorum reIacionem et in testimonium premissorum, sigillum prepositure Parisiensis predicte litteris duplicatis sub uno et eodem tenore, quarum una tradi debet vicecomiti predicto, reliqua vero domino Hugoni, venditori, duximus presentibus apponendum. Datum die dominica post festum beate Lucie4 virginis, anno Domini m. ccc. xviii.

Nos autem vendicionem, concessionem, quictacionem, cessionem et translacionem predictas ac omnia et singula suprascripta rata habentes et grata, eadem volumus, laudamus, approbamus et auctoritate nostra regia et ex certa sciencia similiter, ac eciam de gracia speciali, quod si forsan futuris temporibus appareret memoratum Hugonem, ob causas quaslibet, ante presencium confectionemcontractas, aut eciam post presentes, quamdiu vixerit, contrahendas, nobis teneri in aliquo vel erga nos aut predecessores aut eciam successores nostros forefacturam aliquam incurrisse seu delictum aliquod commisisse, nos vel predecessores nostri, vel successores, propter hoc prefatum vicecomitem heredesque et successores suos predictos, vel ejus bona nullatenus molestare possimus in aliquo, aut in dicto castro vel ejus pertinenciis emendam vel forefacturam, aut jus quodque aliud reclamare. Item si predictum Hugonem, propter aliquod debitum contractum vel contrahendum, vel receptam factam vel faciendam, nomine nostro vel predecessorum, vel successorum nostrorum, nobis vel predecessoribus, vel successoribus nostris appareret, futuris temporibus, teneri vel esse obligatum ipsum vicecomitem, vel successores suos, ut predicitur, vel ejus bona non possimus [p. 60] in aliquo molestare, aut in dictis castro et castellania et eorum pertinenciis debitum vel receptam petere, vel de hiis aut pro hiis querere racionem. Quod ut ratum et stabile perseveret, presentes litteras sigilli nostri fecimus impressione muniri. Nostro tamen in aliis et alieno in omnibus jure salvo. Actum et datum Parisius, anno Domini m. ccc. decimo octavo, mense martio.

Per dominum regem, ad relacionem dominorum P. de Dicy et Thome de Marfontanis. Z. Maillardus.