CXCVI
Nouveau mandement au sénéchal de Poitou et aux agents commis à la levée des aides pour l'expédition de Flandres, de presser les collectes sur toutes les terres du ressort de la sénéchaussée.
- B AN JJ. 35, n° 178, fol. 88 et JJ. 36, n° 177, fol. 77
- a P. Guérin, Archives historiques du Poitou, 13, p. 13-14
Philippus, Dei gratia, Francorum rex. Senescallo Pictavensi et superintendentibus negocio subvencionum nostrarum, pro nostro presenti Flandrensi exercitu ordinatarum, in eadem senescallia deputatis à nobis, salutem. Aliàs vobis mandasse et districtius injunxisse recolimus ut subvenciones ipsas in terra nostra levaretis et colligeretis, et in subditorum nostrorum, baronum et nobilium terris, juxta ordinacionis ipsarum seriem, per ipsos subditos nostros, in presencia tamen alicujus ad hoc certi deputati à vobis, [p. 14] festinanter levari et colligi faceretis, ita quod ad nostre expedicionis commodum promptè possent haberi. In cujus execucione mandati vos hactenus ita negligenter gessistis et tepidè quod exindè redargui meruistis. Quocirca vobis iterato mandamus, districtius injungentes, quatinus subvenciones ipsas ita diligenter et celeriter in terra nostra levare curetis et colligere, et in subditorum nostrorum terris levari et colligi, sicut premittitur, procuretis, quod precedentem negligenciam sequens diligencia excusare valeat, et ob vestri tepiditatem vel inherciam nostra expedido dilacionem non sustineat aut defectum. Actum Parisius, in festo apostolorum Petri et Pauli, anno Domini m. ccc. quarto1.
