CCCXVIII
Lettres par lesquelles l'abbaye de Charroux, soustraite au ressort de Limoges, qui lui avait été assigné par Jean, duc de Normandie, fils aîné et lieutenant du roi, est placée dans celui d'Issoudun.
- B AN JJ. 68, n° 319, fol. 466 [corr. 166]
- a P. Guérin, Archives historiques du Poitou, 13, p. 316-319
Philippus, etc. Norum facimus universis, tam presentibus quam futuris, nos infrascriptas vidisse litteras, formam que sequitur continentes :
[p. 317] Johannes, primogenitus et locum tenens regis Francie, dux Normanie et Acquitanie, comes Pictavensis, Andegavensis et Cenomanensis, universis presentes litteras inspectons, salutem. Notum facimus quod nos, audita supplicatione religiosorum virorum, abbatis et conventus monasterii. Karroffensis de fundacione regia, prioratuumque ac singularum ipsius monasterii personarum, asserentium quod ipsi, racione bonorum et rerum suarum que et quas in Pictavensi et Marchie comitatibus, racione dictorum monasterii, prioratuum et menbrorum, tenent et possident in Pictavia, antequam ex- dono regio prefatus comitatus ad nos noviter devenisset, et nostro domanio, virtute dicti doni, fuisset, applicatus, Pictavis, dicti religiosi prioresque et singulares ipsius monasterii persone ressortiri consueverunt1, et ne à domanio regio, racione divisionis ipsius comitatus Pictavensis, separari videantur, ressortum ipsorum religiosorum coram judice pariagii apud Lemovicas, dicto domino genitorinostro immediate subjectas, ordinare de nostra speciali gracia dinaremur. Cupientes igitur prefatos religiosos in concessis libertatibusper reges, dicti domini gepitoris nostri predecessores, fovere et sub domanio regio remanere, ne à corona Francie separari videantur, judicem ipsius parjagii prefatum dicti loci de Lemovicis, aut ejus locum tenentem eidem monasterio Karroffensi, prioratibusque ac menbris ipsius, auctoritate regia et ex plenitudine regie potestatis nobis attribute, constituimus et eciam ordinamus, coram quo causas ipsorum religiosorum, prioratuumque et menbrorum prefatorum, [tam] in casu ressorti superioritatis quam alias, et tam agendo quam deffendendo, agitari, terminari et finiri volumus et jubemus. Dantès eidem judici aut ejus locum tenenti, tenore [p. 318] presentium, in mandatis quatinus causas ressorti prefatas dictorum religiosorum audiat et sine debito terminet et decidat. In cujus rei testimonium, sigillum nostrum presentibus litteris apponi fecimus. Datum Angolisme, iij a die mensis novembris, anno Domini millesimo trecentesimo quadragesimo quinto.
Et dicti religiosi nobis humiliter supplicaverunt ut ipsum ressortum de dicto loco Lemovicarum, tam eo quia in eodem omnimodam altam, mediam et bassam, nisi in minori ipsius ville parte, non dicimur habere justiciam, quam quia copia peritorum et advocatorum pro defensionibus causarum dictorum reiligiosorum raro et in minori parte ibidem invenitur, propter quod decisio causarum ipsorum religiosorum et adversarum partium posset verisimiliter plus debito retardari, apud Exoldunum ubi omnimodam mediam et bassam habemus justiciam, coram baillivo nostro, aut ejus locum tenente, mutare de nostra speciali gracia dignaremur. Quocirca cupientes prefatos religiosos sub corona Francie et domanio nostro, et nostrorum successorum regum, ut hactenus, remanere, eorum in bac parte supplicacioni inclinati, ressortum religiosorum prefatorum et singularum ipsius monasterii personarum apud Exoldunum, coram dicto baillivo aut ejus locum tenente, auctoritate regia, de speciali gracia, constituimus et eciam ordinamus ; coram quo causas ipsorum religiosorum prioratuum et menbrorum prefatorum, tam agendo quam defendendo, in casu superioritatis et ressorti quam alias, agitari, terminari et finiri volumus et jubemus. Dantes eidem baillivo aut ejuslocum tenenti, tenore presentium, in mandatis, quatinus causas ressorti et superioritatis, et alias causas dictorum religiosorum, prioratuum et menbrorum prefatorum, audiat et sine debito terminet et decidat, necnon omnibus et singulis subditis et justiciariis nostris, ut eidem et ejus deputatis et deputandis obediant et intendant. Quod ut firmum et stabile permaneat in futurum, nostrum presentibus [p. 319] litteris fecimus apponi sigillum. Salvo in aliis jure nostro et in omnibus quolibet alieno. Datum apud Raiz, prope Sanctum Germanum in Laya, anno Domini millesimo ccc. quadragesimo sexto, mense maii.
Per dominum regem, ad relacionem vestram. Clavel.
