CCLXXXVI

Philippes, etc. Savoir faisons à touz, presens et avenir, que comme l'abbé et le convent du monstier de Turpenay en Tourenne ayent par titre d'achat, si comme il dient, seze sextiers de froment, à la mesure de Loudun, que il devoient de rente annuel à Mascé Perresil, chevalier, sur la terre de Goelles, ou fié Jobert Frétart1, escuier, estimez quatre livres tournois de rente, d'une part, et quatre sextiers de froment de rente, à la mesure de Chinon, ou fié du sire de Bauçay, sus un clos de vigne seans à Riviere, qui fu jadis Michiel Dieusemere, movens du sire de Riviere à diz deniers de cens, les quelz quatre sextiers sont estimez seze solz tournois de rente, chascun an, d'autre part ; nous, à la supplicacion des diz religieus et pour estre participans ès oroisons et bienfaiz de la dite abbaye, leur avons octroyé et octroyons de grace especial et parmi quarante huit livres tournois qu'il nous en ont payées, c'est assavoir en nous quittant de trente sept livres qu'il nous avoient prestées et le remenant qu'il en ont payé en nostre Tresor à Paris, que le dit blé de rente il puissent tenir et posseir euls et leurs successeurs perpetuelment, paisiblement et quictement, sanz estre contrains de le vendre, aliener ou mettre hors de leur main en tout ou en partie, ou d'en faire aucune autre finance à nous ou noz hoirs, ou à noz successeurs, ou à ceuls qui aront cause de nous. Mandans [p. 207] et defendans à touz noz justiciers, presens et avenir, que les diz religieus ne molestent ou seuffrent estre molestez sus les choses dessus dites contre la teneur de cest present octroy. Et que ce soit ferme et estable à touz jours, nous avons fait mettre nostre seel à ces presentes lettres. Sauf en autres choses nostre droit et en toutes l'autruy. Ce fu fait à Conflans, en l'an de grace mil ccc. quarante et un, ou mois de septembre.

Par le roy, à la relacion des gens des Comptes. Mathieu.

Financia est xlviij. librarum turonensium, redditarum regi per thesaurum ad Nativitatem Domini c xlj. Justicia.