CXCII

Philippes, par la grace de Dieu, rois de France, à nostre amé et feel Hugue Larcevesque, salut. La brieté du temps, li estat des besoignes, la rebellion de nos ennemis des parties de Flandres, qui de jour en jour s'efforcent de fere grief et despiz et ont fait de nouvel, si comme nous croions que vous avez oï, et se vantent que il veulent à certain jour combatre contre nous, nous meuvent à ce que nous au plus hasteement que nous poons, allions ès dites parties pour combattre à eus et leur ougueil abbatre, o l'aide de Dieu qui est guarde de vérité et de justice, et serons à Arraz pour poursuivre de là nostre voie sanz delai, le dimanche après la quinzaine de ceste mi aoust, et pour ce vous escrisons briement, en priant et en requerant vostre feauté si acertes comme nous poons, et avec ce en mandant à vous que, si comme vous aurez et avez chier nous et le roiaume, vous vous hastez de venir à nous, si bien accompaignez de gent à cheval et de pié comme vous pourrez mieux. Donné à Paris, xxi. jour ou mois d'aoust, l'an de grace m. ccc. et trois1.