CCCXI

Jehan, ainsné filz et lieu tenant du roy de France, duc de Normandie et de Guyenne, conte de Poitou, d'Anjou et [p. 300] du Maine. Savoir faisons à touz, presenz et avenir, nous avoir veu les lettres contenans la forme qui s'ensuit :

Alfons, fyuz du roy de France, coeins de Poitiers et de Tholose, à touz ceulz qui ces presentes lettres verront, salut en nostre Seigneur. Nous fesons à savoir à touz que nous avons donné et octroié à nostre amé et feal Johan de Nantuel, chevalier, seigneur de Torz, et à Hynde, sa fame, et aus heirs de ycelle Hynde, marchié à Forz1, sauve nostre droiture et l'autruy. Et en tesmoing de ceste chose, nous avons fait cez presentes lettres seeller de nostre seel. Ce fu fait en l'an de l'Incarnacion nostre Seigneur mil cc. et sexante diz, le mercredi prochain après la feste saint Jehan Baptiste2.

Nous adecertes les dites lettres et toutes les choses contenues en ycelles aians aggreables, ycelles voulons, loons, approuvons, ratifions et de grace especial par ces lettres confermons. Sauf en autres choses nostre droit et en toutes l'autruy. Et que ce soit ferme et estable à touz jours, nous avons fait mettre nostre seel à ces lettres. Donné à Poytiers, l'an de grace mil ccc. xl. et cinq, ou mois de septembre.

Par monseigneur le duc, à vostre relacion. Clavel.