CCXXVII
Lettres du roi à Guillaume Larchevêque, le priant d'envoyer à Paris, huit jours avant les Brandons, deux ou trois nobles âgés, résidant en sa terre et expérimentés au fait des voyages d'outre-mer, pour prendre part aux délibérations relatives à un projet de croisade.
- B AN JJ. 58, n° 439, fol. 49
- a P. Guérin, Archives historiques du Poitou, 13, p. 68-69
Philippes, etc. A nostre amé Guillaume Larcevesque, salut et dilection. Comme nous aions empris, à l'ayde de Dieu, le passage de la Terre Sainte, et nous pour avoir avis sus ce, eu collacion sus la dite besoigne, à ceste feste de Noel derrainement passée, avecques pluseurs prelaz, barons et autres nobles de nostre royaume de France, qui lors furent avecques nous à Paris, aions ordené le jour des octaves de ces prochaines brandons1 pour avoir plus plaine deliberacion sus ce, ayons entendu que il a pluseurs nobles en vostre [p. 69] terre qui sont ancien, qui bien sevent aviser sus la dite besoigne, nous vous prions, requerons et mandons que vous deus ou trois des dites personnes, les quelles vous saurez miex estre avisez de ce fait nous envoiez à Paris viii. jours davant les dites octaves pour avoir leur avis sus ce avecques pluseurs autres personnes, les queles nous avons deputées pour ordener dudit passage. Donné [à Paris, le xi. janvier m. ccc. xix]2.
