CCII

Philippes, par la grace de Dieu, roys de France. Au seneschal de Poitou et as collecteurs establiz de par nous en la dite seneschaucie, salut. Comme nous, pour profit de nostre royaume et de nous, eue seur ce grande deliberacion de nostre conseil, aions ordené et ordenons que toutes manieres de receptes et de paiemenz qui seront dès ores en avant à faire pour nous, soient faites par nos tresoriers du Temple de Paris, nous vous mandons et commandons plus estroitement que nous povons et seur paine de perdre vostre office, que tout l'argent que vous dès ores en avant recevrez pour nous et de nos rentes et yssues, tailles et presz, dons, diseme ou subvencion, pour quelconque cause que ce soit, par quelconque non soit apelée, si tost comme vous l'aurez receu, vous envoiez en nostre Tresor au Temple à Paris, sanz nul delay, non contrestant aucuns autres commandemenz que nous [p. 20] vous eussons faiz ou fait faire par lettres ou de bouche, ou aucuns assennemenz que nous eussons faiz à aucunes genz seur les receptes de la dite seneschaucie, les quiex assennemenz nous voulons qu'il soient de ci en avant paiez par nos tresoriers du Temple dessus diz, en la maniere et en la fourme que nous en avons ordené1.