CC
Commission donnée à Étienne de Bourret, sous-doyen de Poitiers, pour la levée de la dime accordée au roi par l'archevêque de Bordeaux, les évêques suffragants et le clergé de la province.
- B AN JJ. 35, n° 213, fol. 110 et JJ. 36, n° 203, fol. 87 v°
- a P. Guérin, Archives historiques du Poitou, 13, p. 18
Philippus, Dei gratia, Francorum rex. Universis senescallis, ballivis, prepositis ceterisque justiciariis regni nostri, ad quos presentes littere pervenerint, salutem. Dilectum nostrum magistrum Stephanum de Bourreto1, subdecanum Pictavensem, de cujus fidelitate et industria plenè confidimus, ad partes provincie Burdegalensis, pro exigenda et levanda pro nobis et nomine nostro decima nobis liberaliter concessa à prelatis et personis ecclesiasticis dicte provincie, et ad substituendum et subrogandum in singulis dyocesibus et locis ejusdem provincie, ubi et de quibus expedire viderit, loco sui ad hoc personas ydoneas, et faciendum omnia et singula que circa hoc fuerint facienda, tenore presencium, specialiter destinantes, vobis et vestrum singulis damus presentibus in mandatis ut eidem magistro Stephano et deputatis seu deputandis ab ipso in hac parte pareatis et intendatis efficaciter parerique et intendi faciatis, alter vestrum ad hoc alteram non expectans. Actum Parisius, xxviii. die januarii anno Domini m. ccc. quarto.
