[p. 21]

CCIV

Mandement au sénéchal de Poitou de faire publier la prorogation du Parlement, en ce qui concerne les jours de sa sénéchaussée.

  • B AN JJ. 42 A, n° 117, fol. 114
  • a P. Guérin, Archives historiques du Poitou, 13, p. 21-22
D'après a.

Philippus, Dei gratia, Francorum rex, senescallo Pictavensi, salutem. Cum nos instans Parlamentum octabarum omnium Sanctorum ex causa prorogaverimus usque ad octabas instantis festi dominice Nativitatis, et diem tue senescallie dicti Parlamenti sic prorogati fecerimus assignari ad diem sabbati in festo Conversionis sancti Pauli, mandamus tibi quatinus in tuis assisiis et per bonas villas tue senescallie et ejus ressorti prorogacionem et assignacionem predictas solempniter, ex parte nostra, facias publicari et ita tempestive quod illi quorum interest predictas prorogacionem et assignacionem tempore debito scire possint, sciturus pro certo quod, si propter defectum dicte publicacionis, aliqua pars dampnum incurrerit, nos ad ipsius in hujusmodi casu dedampnificacionem contra [p. 22] te faciemus efficaciter habere recursum. Et quicquid super hoc feceris, ad dictam diem curie nostre per tuas patentes litteras rescribas. Datum Parisius, die jovis post festum beati Michaelis, anno Domini m. ccc. octavo1.


1 Un mandement semblable a été publié sous l'adresse du bailli de Vermandois, par M. Boutaric, Actes du Parlement de Paris, t. II, p. 48.