CCLXXIX

Philippes, etc. Savoir faisons à touz, presenz et avenir, que, pour consideracion des bons services que nostre amé Philippe du Peille, chevalier, nous a fait tant en noz guerres comme autrement, et esperons qu'il nous face ou temps avenir, nous à ycelui chevalier et au siens avons donné et octroié, donnons et octroyons, de certaine science et de grace especial, par la teneur de ces presentes, usaige et [p. 190] esploit pour ses herbargemenz de Latilly et de Bois-Guillon, autrement dit Puy-Ruzain, en nostre forest de Mombuy, ès lieux ou les religieus du Puig1 et les hoirs feu Guy de Bauçay2, chevalier, prennent et ont acoustumé à prendre leur usage en la dite forest, à prenre et avoir, pour lui et pour ses successeurs, ou temps avenir paisiblement dores en avant, ainsi et par la maniere comme il prent ou pourroit prandre et a acoustumé avoir et pranre en nostre forest de Monstereul-Bonnin. Si donnons en mandement ans maistres de noz forez et à touz noz autres justiciers et subgiez, qui ores sont et qui pour le temps avenir seront, que le dit chevalier, ses hoirs et successeurs facent et laissent user et joïr de son dit usage et esploit dores en avant, senz aucun empeschement, selonc la teneur de nostre present octroy. Et que ce soit ferme chose et estable à touz jours mais, nous avons fait mettre nostre seel en ces presentes lettres. Sauve nostre droit en autres choses et l'autrui en toutes. Donné à Maubuisson lès Pontoise, l'an de grace mil ccc quarante et un, ou mois d'avril.

Par le roy, à la relacion de messeigneurs Jaques Rousselet et L. de Vaucemain. J. Cordier.

Sine financia. R. de Balehan.