[p. 14]

DCCXLIV

Rémission accordée à Jean Pinon, de Louzy près Thouars, complice d'une bande de faux monnayeurs.

  • B AN JJ. 139, n° 30, fol. 40
  • a P. Guérin, Archives historiques du Poitou, 24, p. 14-15
D'après a.

Charles, etc. Savoir faisons, etc., nous avoir reçu l'umble supplicacion de Jehan Pinon l'ainsné, nagueres demourant à Louzi près de Thouars, chargié de femme et une fille de sa dicte femme à marier, contenant que comme puis VIII ans ença ycellui suppliant, aiant l'aage de vint à XXIIII ans ou environ, ait repairé par intervalles avec Philipot Lirabois, Philipot de Gayeville, un appellé Guillaume [p. 15] le Gastart, Berthelot le Doradour et autres leurs complices, et d'iceulx séduit et deceu frauduleusement, ait acheté des dessus diz à pluseurs foiz certaine quantité de faulx frans et escuz faiz d'or et d'argent, jusques à la somme de cent à VIxx pieces seulement, c'est assavoir L escuz et le résidu franz, dont il a paié pour chascun franc quinze solz tournois et de chascun escu XII solz tournois en bon or et fin argent, duquel ilz faisoient ou faisoient faire les diz faulx frans et escuz, si comme l'en disoit, et yceulx faulx frans et escuz ycellui Jehan ait allouez et mis en nostre royaume en pluseurs marchandises, et autrement, c'est assavoir les frans pour vint solz tournois la piece et les escuz pour dix huit solz parisis la piece, etc...1. Donné à Saint Germain en Laye, ou moys d'aoust l'an de grace mil CCC IIIIxx et dix, et de nostre regne le diziesme.

Par le roy, à la relacion du conseil. J. Gilet.


1 Comme il s'agit du même fait pour lequel Perrinet de la Charité obtint des lettres de rémission, au mois de mai précédent, il suffit de donner un extrait des présentes, en renvoyant pour le reste au n° DCCXLI ci-dessus.