DCCCLXXXVIII
Lettres d'anoblissement en faveur de Guillaume Orry, du diocèse de Maillezais.
- B AN JJ. 158, n° 34, fol. 19 v°
- a P. Guérin, Archives historiques du Poitou, 24, p. 429-430
Karolus, etc. Notum facimus universis, presentibus pariter et futuris, quod nos, in
nostris meditatibus recensentes regali magnitudini convenire ut nobilitatis ornatum,
quem origo natalium non produxit, sui favoris impensu largifluo begniniter largiatur
personis pollentibus meritis virtuosis animumque habentibus bonis moribus decoratum,
dilectum nostrum Guillelmum Orry, Malleacensis diocesis in Pictavia, quem libere
condicionis, pretactis meritis ac moribus laudabiliter renitere, seque nobilium
actibus adaptare fide digna relacione didiscimus, eundem, quamquam ex neutro parentum
suorum latere nobilis existere dignoscatur, una cum prole et posteritate suis
utriusque sexus, in legitimo matrimonio procreatis et imposterum procreandis,
nobilitavimus et nobilitamus, harum serie litterarum, ex nostre potestatis
plenitudine, auctoritate regia et gracia speciali, nobilitatis plenarie beneficio et
munimine decorantes eosdem, quibus tenore presentium concedimus ut ipsi et eorum
singuli integre nobilitatis juribus, privilegiis, prerogativis, libertatibus,
franchisiis et honoribus, quibus et quemadmodum ex utroque parente nobiles pociuntur
et gaudent in actibus secularibus et reliquis quibuscunque, de cetero imperpetuum
plene et pacifice gaudeant et utantur, ab omnibusque tamquam ex utroque parente
nobiles re et nomine habeantur, teneantur et reputentur ubilibet atque possint,
prelibatusque Guillelmus ejusque proles et posteritas masculini sexus, procreata et
procreanda; quandocunque et a quovis eis placuerit attingi et decorari
cingulo militari, feuda insuper resque feudales et non feudales, jurisdictiones
quaslibet et dominia acquirere, jamque acquisita et acquirenda [p. 430] imposterum tenere et
retinere ut nobiles valeant sive possint, ac libere in antea possidere perinde ac si
forent ex nobilibus utrisque parentibus procreati, lege, edito, statuto, consuetudine,
observancia atque usu generalibus aut localibus regni nostri, et ceteris quibuscumque
non obstantibus in hac parte, solvendo tamen una vice dumtaxat nobis, aut nostris
super hoc deputatis gentibus loco nostri hac de causa, financiam moderatam. Dilectis
et fidelibus gentibus compotorum nostrorum ac thesaurariis nostris Parisius ceterisque
justiciariis et officiariis nostris, aut eorum locatenentibus, presentibus et futuris,
et eorum cuilibet, prout ad eum pertinuerit, tenore presentium mandantes quatinus
predictum Guillelmum, una cum prole et posteritate suis memoratis, et ipsorum
singulos nostra presenti concessione et gracia deinceps gaudere et potiri pacifice
faciant et libere paciantur, non sinendo ut contra tenorem presentium, pronunc seu
imposterum eis fiat seu datur compulsio, impedimentum vel aliquod molestamen. Et ut
hec omnia fruantur perpetuo valida firmitate, nostrum hiis presentibus jussimus
apponi sigilllum. Nostro in reliquis et alieno in omnibus jure salvo. Datum Parisius,
mense julii anno Domini millesimo quadringentesimo tercio, et regni nostri vicesimo
tercio.
Per regem, ad relacionem consilii. Mauloue.