DCCCIV
Permission à Guillaume de Naillac, chambellan du roi, d'exonérer ses terre et vicomté de Bridiers d'une rente annuelle de cent vingt setiers de blés qu'elles étaient tenues de payer à l'abbaye de Valence, à condition d'en donner aux religieux une légitime compensation par ailleurs, mais toujours dans les états du duc de Berry, et promesse d'amortir cette rente et la terre sur laquelle elle sera à l'avenir assignée.
- B AN JJ. 153, n° 105, fol, 51
- a P. Guérin, Archives historiques du Poitou, 24, p. 201-205
Karolus, etc. Notum facimus universis, presentibus pariterque futuris, pro parte
dilecti ac fidelis militis et cambellani nostri, Guillelmi de Naillaco1 senescalli Bellicadri [p. 202] et Nemausi, nec non
dilectorum nostrorum abbatis [p. 203] et conventus monasterii Valencie in
Pictavia2, nobis nuper
expositum extitisse ipsos ad invicem certis et legitimis causis eosdem moventibus,
fuisse et esse concordes ut terra et vicecomitatus de Brideriis, ad jamdictum
cambellanum nostrum spectantes, de sexies viginti sextariis bladi, ad mensuram de
Brideriis, quos velut admortisatos iidem abbas et conventus suique antecessores in et
super hujusce modi terra et vicecomitatu de Brideriis a jamdiu sunt habere et
percipere annis singulis assueti, quique quadraginta libras turonensium annui
redditus vel circa valere communiter extimantur, ipso exonerentur redditu, atque iidem
vicecomitatus et terra, in quantum eundem concernit redditum, a cetero prophani et
non admortisati sint et penitus reputentur, perinde quod prefatus cambellanus noster
prelibatis monasterio et religiosis ipsorumque successoribus tradet et realiter
assignabit tantumdem redditus annui et perpetui in valore et equipollentia redditus
antedicti, in terra et feodo precarissimi patrui nostri Bicturicensis ducis, et in
nostro retrofeodo, prout et sub fide ac homagio ejusdem nostri patrui, inque ac sub
retrofeodo nostro sepedicti terra et vicecomitatus de Brideriis tenentur et movent,
sintque idem redditus assignandus et terra ac res, in et super quibus tradetur, in
quantum redditum ipsum concernet, admortisate sicuti bladum terraque ac vicecomitatus
pretacti, ut premittitur, quo ad respectum bladi hujus fuerant usque modo.
Hec autem pretendentes miles et religiosi predicti se non valere exequi
et complere absque nostris congedio, licencia et assensu, quodque nostre
admortisacionis largicio intercedat, nobis bumiliter supplicari fecerunt quatinus
[p. 204] ad horum concessum velimus benigniter inclinari. Nos etenim, certis
consideracionibus excitati, hujuscemodi supplicationi annuere, prememoratis militi
et religiosis, pro se et successoribus eorumdem presentibus et posteris, concessimus
harumque serie concedimus, auctoritate nostra regia et de gracia speciali, quatinus
in casu premisso, ad supradicta procedere libere valeant, ipsaque complementum habeant
et effectum, modo et forma superius expressatis, ita quod dicti vicecomitatus et
terra de Brideriis predictis sexies viginti sextariis bladi redditualibus cum
admortisacione ipsorum sint et remaneant perpetim exonerati, quicti penitus et
immunes, ac illius condicionis existant cujus fuerant et erant ante tempus et in
tempore quo iidem vicecomitatus et terra oneri hujusmodi minime subjacebant,
redditus vero traddendi et assignandi horum loco atque res in et super quibus eorum
fiet assignacio et assituacio, ut prefertur, prout redditus ipsos concernet,
prophaneitatem exuendo, admortisati et tanquam res admortisate et sacris deputate
usibus ex tunc in antea perpetuis sint temporibus, et ut tales censeantur, reputentur
et habeantur ubilibet ac admortisacionis nature subjaceant antedicte, quodque eadem
seu partem ipsorum religiosi iidem vendere, distrahere, alienare aut extra manus suas
ponere pronunc imposterumve teneantur quomodolibet, sive ad hoc queant aut debeant
coherceri. Quocirca dilectis et fidelibus gentibus compotorum nostrorum ac
thesaurariis Parisius ceterisque justiciariis et officiariis nostris et eorum
locatenentibus, presentibus et futuris, eorumque cuilibet, prout spectaverit ad
eundem, presentium tenore, mandamus quatinus hujuscemodi nostra concessione ac gratia
sepedictos militem et religiosos eorumque successores, ac utrosque ipsorum, prout
eos tanget, uti et gaudere perpetuo faciant et permittant, non faciendo aut sinendo eis
aut cuiquam ex ipsis pronunc aut imposterum contra presentem formam [p. 205]
inferri darive impedimentum, perturbacionem seu aliquod molestamen. Et ut hec
omnia stabilitate fruantur perpetua, has presentes fecimus nostri sigilli appensione
muniri. Nostro in ceteris et alieno in omnibus jure salvo. Datum Parisius, mense maii
anno Domini millesimo CCC° nonagesimo quinto, et quarto decimoregni nostri.
Per regem, comite Sancti Pauli3, vobis et domino
d'Aumont4, presentibus. P. Manhac.